Popular Bible Verses from রোমীয় 6

Share

আপ্রই যা লাকখা পিইরি, য়াংচা ফ্রইতি সিইমাং, য়িগিলি থাওরা ফোরা ঈ যা হ্লুউরি, য়াংচা ঙারোমা আস্যাং যীশুগা নিংরো তিম্রিজ বাওয়া।

নাংরোগা আপ্রইমা ক্যুয়েং মুহু, আক্রংগা নাংরো থাওরা ফোরা ঈ মিত্তা আতুওয়ংমা হিকরি, থুংজৈং আতুওয়ংমা মুহু।

অর য়াংচা কিজু থুউ রিঃঙুক মাঙ্গালাগা নিংরো খ্রীট্না আতু আসাক পিইরো ঙারোলি সিইব্যা। যাস্যালি ছুগি ফাখাং থাওরা ফোরা য়াংসুউ মহা গুংধনা যা পুয়েং খ্রীট্গো আঃসিইগা আহ্রাং প্যাংলিরি, য়াং পুয়েং ঙারোলিসোক অসঃ বাওয়ানা হ্রাংনৈঅং।

কাইংথাগো আপ্রই খ্যাফু কিজু, কাইংথামা তুখুগোলি, আপ্রই আলাকমা তাং মিপিইগি। আসিঃইগা হ্রাং থাঃরি লুঃউ ফ্রইরো, নাংরো থাওরা ফোরা আলাকমা, কুঃরোগু এঃপিইগে অর আকং অলুক লুকফু কিজু, নাংরোমা কাইংথা আলুংগো থাওরা ফোরাগু এঃকে।

ঙারো সিকরিগা, ঙারোমা আপ্রই লুকচা আক্যাংগো ফ্যাকফু কিুজুরা ঙারোমা অহং ‘ঙা’ গো খ্রীট্না আতু থুঃউ খেবলৈব্যা, যা ফুলি ছুগি আপ্রইমা ঙারো ক্যুয়েং ফ্রইরো অর মিনিরাঅং

য়াং পুয়েং তেথেং দিঃ চাঃগা আঃপমা আক্যুং থাঃফুচাগা, খ্রীট্চা যীশুনা পংরি কিজু আপ্রই ফ্রইফু-মফ্রই আলাক্কালি নাংরো রুওয়েকেব্যা, অর আগু থাওরা ফোরা কিজু নাংরোলি হ্রাংরো হিকচা।

দিঃ পুয়েং ছুগি ঙারো দিঃচা প্রফু লঃ, থাওরা ফোরা ঈ মিত্তা চিকচা অর আম্যা ফ্রফু কিজু ঙারোচা আপ্রই লুক নিংফু লঃ? তাখালি য়জং মুহু। আপ্রই লুক নিংরোগা, আপ্রইবামা ঙারো ক্যুয়েং ক্যারো সিইগেফুব্যা; য়জং ছুগি যা পুয়েং প্যাংরো ঙারো অর আপ্রই লেংমা লাঃফুলি?

নাংরো মিসিকগে লঃ, ক্যুয়েংঞ্যং যাখা নাংরো, অর তয়ক আলাকমা কুঃগো থিগেতি অর য়াংসুউ আঃনাগো কৈংরি, য়াংখা প্রফুছুগি নাংরো আম্হেং য়াংসুউমা আঃঙা ফ্র লাঃরি মুহুকলঃ? য়াং পুয়েং নাংরো আপ্রইমা ক্যুয়েং ফ্রইরো সিইরাফু, মুহুক্কি থাওরা ফোরাবামা ক্যুয়েং ফ্রইরো সাংরি অলুক্কু লুকরাফু।

য়িগিলি থাওরা ফোরাগো কিজু তাংরি, আক্রংগা তাখা নাংরো আপ্রইমা আক্যুয়েং হিকলিরি, য়িগিলি যা সুয়েংসাং চিক নুনুংনা নাংরোগু পিইলিরি, য়াং সুংয়েংসাংগু নাংরো রুসিইগেতি। আপ্রই আলাক্কা রুওয়েরো নাংরো আগু আকং অলুকমা ক্যুয়েং ফ্রইব্যা।