2 कुरिन्थियों 4
4
माटे रे भांडे में धन
1एतकि तणी जेबा हामा पेन्दे परमेश्वरा री एडी दया होई कि हामा यह सेवा भेटी, तेबा हाम हियाब नांई छाडदे। 2पर हामे बइजती रे गुप्त काम त्यागी, होर नांई चतुराई रीति में चलदे, होर नांई परमेश्वर रे बचना में मिलाबट करदे; पर सत्य प्रगट करी करे, परमेश्वर रे सामने हर एक मणशा री आत्मा में आपणी भलाई बश्यागा।
3पर अगर माहरे सुसमाचारा पेन्दे परदा पडु दा साहा, तेबा यह नष्ट हूँण आले री तणी पडू दा ही साहा। 4होर त्या अबिश्बासी री तणी, ज़ासकी बुध्धि एउ संसारा में परमेश्वर काणी करी दी, कि मसीह जोह मूर्ति रा प्रतिरूप साहा, तेऊरे तेजोमय सुसमाचारा रा प्रकाश त्या पेन्दे नांई चमके।
5किबेकि हामे आपुबे नांई, पर यीशु मसीहा रा प्रचार करा कि सह परमेश्वर साहा; होर आपणे बारे में यह बोला कि हामे यीशु री बजा का थारे सेबक साहा। 6एतकि तणी कि परमेश्वर ही साहा, जूणी बोलू, निहारे में ज्योति चमके होर सह माहरे दिला में चमकू कि परमेश्वरा री महिमा री पछेणा री ज्योति यीशु मसीहा रे चेहरे का प्रकाशमान हो।
7पर हामा सेटा सह धन माटे रे भाडे में डाहंदा, कि यह असीम सामर्थ्य यह माह री तरफा का नांई, पर परमेश्वर री तरफा का ठहरी। 8हामे चहु फेरा का क्लशा भोगा, पर संकटा में नांई पड़दे; निरुपाय साहा, पर नराझ नांई हूदे; 9सताउंदा साहा; पर छाडदे नांई; शोटी दिंदा, पर नष्ट नांई हूँदा। 10हामे यीशु री मऊती आपणी देहा में हर वक्ते लई करे फिरा कि यीशु रा जीबन भी महारी देहा में प्रकट हो।
11किबेकि हामे जीऊदी वकते सदा यीशु री बजा का मऊती रे हाथे दिंदा की यीशु री जिंदगी भी माहरे मरने आले शरीरा में प्रकट हो। 12एउ साबे मऊत तअ हामा बे प्रभाब पाउंदा होर जीबन तमा पेन्दे। 13एतकि तणी हामा बे सह बुशाह री आत्मा साहा, ज़ासके बारे में लिखुदा साहा, मांई बुशाह करू, एतकि तणी मांई बोलू। पर हामे भी बुशाह करा, एतकि तणी बोला। 14किबेकि हामे जाणा कि जूणी परमेश्वर यीशु जिऊंदअ करू, सह हामा भी परमेश्वरा यीशु में भागी जाणी करे जिऊंदे करे, होर तमा संघे आपणे सामने हाजिर करा। 15किबेकि सभे चीजा तमाबे साहा, कि अनुग्रह बहू रे साबे ज्यादा होई करे परमेश्वरा री महिमा री तणी धन्यबाद भी बढ़ाए।
16एतकि तणी हामे हियाब नांई छाड़दे; किबेकि महारा बाहरी मनुष्यत्व नष्ट हुँदा, तेबा भी महारा भीतरी मनुष्यत्व हर धयाडी नउंआँ हुँदा रहंदा। 17किबेकि माहरे पल भरा रा हल्का ज़ा क्लेश माहरे जीबना बहू जरूरी होर अनन्त महिमा पैदा करदअ रहंदा; 18होर हामे हेरी दी चीजा नांई पर जोह हेरी दी चीजा नांई तेसा हेरदे रहंदा; किबेकि हेरी दी चीजा कुछ ही धयाडी री साहा आसा पर नांई हेरी दी चीजा अनन्त तणी बणी रहंदा।
Currently Selected:
2 कुरिन्थियों 4: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
