Popular Bible Verses from 2 कुरिन्थियों 4

Share

होर हामे हेरी दी चीजा नांई पर जोह हेरी दी चीजा नांई तेसा हेरदे रहंदा; किबेकि हेरी दी चीजा कुछ ही धयाडी री साहा आसा पर नांई हेरी दी चीजा अनन्त तणी बणी रहंदा।

एतकि तणी हामे हियाब नांई छाड़दे; किबेकि महारा बाहरी मनुष्यत्व नष्ट हुँदा, तेबा भी महारा भीतरी मनुष्यत्व हर धयाडी नउंआँ हुँदा रहंदा। किबेकि माहरे पल भरा रा हल्का ज़ा क्लेश माहरे जीबना बहू जरूरी होर अनन्त महिमा पैदा करदअ रहंदा

हामे चहु फेरा का क्लशा भोगा, पर संकटा में नांई पड़दे; निरुपाय साहा, पर नराझ नांई हूदे; सताउंदा साहा; पर छाडदे नांई; शोटी दिंदा, पर नष्ट नांई हूँदा।

पर हामा सेटा सह धन माटे रे भाडे में डाहंदा, कि यह असीम सामर्थ्य यह माह री तरफा का नांई, पर परमेश्वर री तरफा का ठहरी।

होर त्या अबिश्बासी री तणी, ज़ासकी बुध्धि एउ संसारा में परमेश्वर काणी करी दी, कि मसीह जोह मूर्ति रा प्रतिरूप साहा, तेऊरे तेजोमय सुसमाचारा रा प्रकाश त्या पेन्दे नांई चमके।

एतकि तणी कि परमेश्वर ही साहा, जूणी बोलू, निहारे में ज्योति चमके होर सह माहरे दिला में चमकू कि परमेश्वरा री महिमा री पछेणा री ज्योति यीशु मसीहा रे चेहरे का प्रकाशमान हो।