2 कुरिन्थियों 3

नउंईं बाचा रे सेबक

1कैह हामे आपणी बड़ाई करदे लागे? या हामा होरा लोका सामने सिफरिशा री पत्री तमा सेटा आँणनी या तमा का माँगणी? 2माहरी पत्री तमे ही साहा, जोह माहरे दिला में लिखी दी साहा होर तेसा सब मणश पछेणा होर पढ़ा। 3यह प्रकट साहा कि तमे मसीहा री पत्री साहा, जोह हामे सेवा रे बराबर लिखी, होर जोह स्याही संघे नांई पर जिऊंदे परमेश्वरा री आत्मा का, पाथरा री तकती में नांई, पर दिला री मास रूपी तकती में लिखी। 4हामे मसीहा रे साबे परमेश्वरा में एडा ही बुशाह डाहंदा। 5यह नांई कि हामे आपणे आपु का एता लायक साहा कि आपणी तरफा का कासी गला रा न्याय करी सके, पर माह री लायकता परमेश्वरा री तरफा का साहा, 6जूणी हामा बे नउंईं वाचा रे सेबक हूँणे रे लायक भी करी, शब्दा रे सेबक नांई पर आत्मा रे; किबेकि शब्द मारा, पर आत्मा जिऊंदी रहन्दा। 7अगर मऊती री सह सेबकाई जासके शब्द पाथरा में कोती दे थी, अखे तणी तेजोमय होई कि मूसा रे मुँहा पैंदा रे तेजा री बजा का जोह घटता भी थी, इस्राएली तेऊरे मुँहा में नजर नांई करी सकते थी, 8तेबा आत्मा री सेबकाई होर भी तेजोमय किबे नांई हूँणी?

9किबेकि जेबा दोषी ठहराउंण आली सेबकाई तेजोमय थी, तेबा धर्मी ठहराउंण आली बाचा होर भी तेजोमय किबे नांई हूँणी? 10होर जोह तेजोमय थी, सह भी तेऊ तेजा री बजा का जोह तेऊका बडी करे तेजोमय थी, किछे तेजोमय नांई ठहेरू। 11किबेकि सह जोह घटतअ रहंदा थी तेजोमय थी, तेबा जोह स्थिर रहलअ होर सह भी तेजोमय किबे नांई हूँणअं? 12एतकि एडी आशा डाही करे हियाबा संघे बोला, 13होर मूसा रे बराबर नांई, जूणी आपणे मुँहा में पर्दा पाऊ कि इस्राएली तेऊ घटण आले तेजा रे अन्ता नांई हेरे।

14पर त्या मतिमन्द होई, किबेकी आज तणी पुराणे नियमा बचन पढ़दे वक्ते त्यारे दिला में सह पर्दा पड़ी रहंदा; पर सह मसीहा में उठा। 15होर आज तणी जेबा मूसा री व्यवस्था री कताब पढ़ा, तेबा त्यारे दिला में पर्दा पड़ी रहंदा। 16पर जेबा कधु त्यारा दिल परमेश्वरा री तरफा बे फिरला, तेबा सह पर्दा उठणा।

17परमेश्वर तअ आत्मा साहा, होर ज़धे कंधे परमेश्वरा रा आत्मा साहा तखे आज़ादी साहा। 18पर जेबा हामे सभी रे खुले चेहरे का परमेश्वर रा प्रताप एउ साबे प्रकट हुँदा, जासु साबे शीशे में, तअ परमेश्वरा रे साबे जोह आत्मा साहा, हामे तेसी तेजस्बी रूपा में अंश-अंश करी करे बदलदे रहंदा।

Currently Selected:

2 कुरिन्थियों 3: ISJNT

Highlight

Copy

Compare