Rom 5

Dandu Jesu bolumiadu.

1Mandri ad Jehova i da ndro du gle ndoui ad Ndorlaben Jesu Kristo, i gin hinen du hian monen ge, le mburer aden. Aga dandu boro i. 2Dandu sal le golnisden ogo, iou dogi ri gle ndoui ad Ndorlaben Jesu, iou da gin boro i. Iou da mugueni ndoui ogo, dandu belengeni engerang ad Jehova. 3Longu hendre lie: Iou mugmug lie ar ngendian beg mehere. Dandu i, ngendian i da bo mburer, i da hengen le ndro hom ndramed ndoui ber lang. 4Iou ndoa ge, be iou da boro ndoui aden sidesi. Iou da belengeni longu masi, i beg meher muren. 5Dandu i, iou da belengen dahed bui, golnisden ad Jehova i da le bergoldu, Meluan Helian i gin daui i me ndro du. 6Jesu Kristo i da ginmad, beg rui du baghege ndro i, du da manan ge. Mahanu iou heb ndoa bui gle longu ber lang. 7Homo i de gmad bui le longu aden hian, homo i da bo hian ge le ndro gous aden, gous aden ha leng hengen mandrn e ndrai aden le ndro i bersi, de bersilie. 8Jehova i da gin henunuen du le golnisden aden: Kristo i ginmad me ndro du be iou ndremda longu momen. 9Ndrai aden gin muh gin hinen du hian rosan ge, i bogulue du le gus ad Jehova. 10Mahanu iou ndremda rah ad Jehova, boen i ginmad, i gin regunha du le ndro Jehova lie. Malabo iou gous ad Jehova ge i da rumburdi du le longu masi momen gle ndoui aden, i mamaren ge. 11Longu hendre lie: Iou ad Jehova ge, longu ogo iou mugueni manden aga Ndorlaben Jesu Kristo gin hinen i, i da gin regunha du le ndro Jehova.

12Longu momen ber gor masigane gin mehere le ad homo ge. Gor masigane na gmed le longu momen ad homo, malabo su masi gina momen ge, su masi su da bo longu momen. 13Nongen ad Mose de gin meher masou, longu momen i da le gor. Jehova de gin hanguruen longu momen asu bui, su ndramed ber gor de gin hirong nongen ad Jehova masou. 14Su ndramed ber boan su gina momen ge, su na gmed le rang ad Adam mabenan le rang ad Mose. Su gina momen ge dege Adam lie, i sameluan ad hom Adam i da beg meher muren. 15Golnisden ad Jehova i dege longu momen asu ndramed bui. Longu momen ad homo gin daii su mabosanged. Golnisden ad Jehova, aga golnisden ad Ndurndramed Jesu Kristo i da gin hengen memrad ber lang le ndro su mabosanged. 16Golnisden ad Jehova i dege longu momen asu ndramed bui, homo ge, i gin bo longu momen, Jehova gin dieni su masigane su na gmed, golnisden ad Ndorlaben ad homo i da gin surien longu asu momen mabosanged. 17Longu momen ad homo ge i da gin daii su ndramed ber gor masi, golnisden ad homo ge, ad Jesu Kristo i rumburdi su, i da hengen le ndro su bulhe, su mamaren ge sidesi, su King ber gor lundielang, gle ndoui ad Jesu Kristo. 18Bersilie: Longu momen ad hom ndramed i gin dieni su ndramed masigane, surian ad homo i gin rumburdi su ndramed masigane, su horuan gleri. 19Homo ge, i de delengan le nongen ad Jehova bui, boen su masigane su gin los, su gina momen ge. Homo i da delengan le nongen ad Jehova ge, su mabosanged su horuan leri. 20Nongen ad Jehova le Mose i da gin meher muren, le nongen ogo su ndramed dansu i, su momen ge, longu momen asu gina mabosanged. Be longu momen i da gin menda gina manden ge, golnisden ad Ndorlaben gin menda gina mandromai. 21Longu momen i da ndounen su ndramed, dege hom Ndorlaben i da ndounen su lao aden. Malabo golnisden ad Ndorlaben i da manden hanu le longu momen ber boan, i dege King manden i da rui su lao aden gle hian ge sidesi, su mamaren, su horuan le gor aden. Ndorlaben Jesu Kristo, Ndorlaben adu, i gin hinen i.

Currently Selected:

Rom 5: LLENT

Highlight

Copy