Rom 4

Mburer ad Jesu Kristo houen i dege su ber goru gin boharni.

1Iou beg vong sa gle ad damdu Abraham? I da gin bo sa, Jehova i da hanguruen i hian monen ge. 2Be Abraham i da bo mburer hian ge, be mburer aden hian monen, i gin hinen i hian monen gane le bormarn ad Jehova, ndangen, i danen bamugueni mburer aden hian ge. Dandu i, i de danen mugueni mburer aden le bormarn ad Jehova hebsa bui. 3Su gin hondre goru: Abraham i boro ndoui ad Jehova, aga longu aden hian, Jehova i hanguruen hian monen gle aden. 4Ar homo danen bo mburer hian ge, surian le mburer aden na gmehere, Jehova de hengen de la ndro i memrad aden ber gous bui, i hengen le ndro i le surian mburer aden hian ge. 5Ar heb longu hian ad homo bui, i danen boro ndoui ad Jehova, i da bolumia su ndramed momen, Jehova i ha somui le aden, i hinen i hian monen ge. 6Dege David gin bosoui le Psalm be i da mugueni hom ndramed, Jehova gin sibui longu aden momen gineao gle golnisden aden ge, i vong, i bai: 7Hian, horuan ge, hom ndramed, be Jehova gin sibui longu aden momen gineao. 8Hom ndramed i hian monen ge, be Ndorlaben i de hanguruen logu aden momen bui.

9Heb nongen ogo ad David asu ge, gelman ad Jehova i da ndro su, de asu lie, gelman ad Jehova i da ndro su bui? Iou vong, iou bai: Abraham gin boro ndoui ad Jehova, aga longu aden hian ge. 10Gehere Jehova i da hanguruen Abraham i hian monen dagara? Be su gin daui gelman ad Jehova le ndro i, de masou? Ndangen, gelman ad Jehova de gin meher ndro i masou, be nongen ad Jehova gin meher ndro i. 11Muren, Jehova i gin daui gelman ogo le ndro i, su gin sindrdi mandrn, hanu Jehova i gin hanguruen hian le Abraham, i da gin boro ndoui ad Ndorlaben hian ge. Jehova i ha lengi, i damen asu masi gelman ad Jehova i da ndro su bui, dansu boro ndoui ad Jehova ge, su horuan, su mamaren gleri lie. 12Abraham i damen asu, gelman ad Jehova i da ndro su, su ge, dansu boro ndoui ad Jehova, dege Abraham i gin hinen i, su da dogi sal aden monen lie. Aga gelman hian asu lao ad Jehova, sindrdi mandrn ge, aga gelman molhe. Dege Abraham i da gin boro ndoui ad Ndorlaben, be su de gin sindrdi mandrn masou.

13Jehova i gin bai le ndro Abraham, ma le ndro su ndurn, su da beg meher muren, i beg hengen le ndro i gor masi ber boan. Jehova i da gin bai le ndro i dagara, le surien mburer, de longu ad Abraham hian bui, i gin bai dagara le ndro i, i gin ilndri, Abraham danen boro ndoui le nongen ad Jehova hian monen ge. 14Be su ge, su da bo mburer hian ge, su ibdi gor ad Jehova gle asu Jehova na ghengeni le ndro su le surien mburer asu hian, nongen aden, i da le Buk Helian i molhege, su da boro ndoui ad Ndorlaben, su boro i dahed. 15Nongen ad Mose i hinen i, gus ad Jehova da meher ri, be dansu lo ad Jehova bui, de dansu bo momen le ndro nongen ogo bui. 16Jehova beg hengen le ndro du memrad ber lang, dege i da gin bai gle gous ge. Memrad ber gor lundielang gle ndro su ndur Abraham masigane, le ndro su Juda, nongen ad Mose i da ndro su, dagara le ndro su masigane, dansu boro ndoui ad Jehova dege Abraham i gin hinen i. 17Su gin hondre: Io gin hinen uo damen asu gor mabosanged. Abraham i damen adu masi le bormarn ad Jehova, i gin boro ndoui ad Ndorlaben, i danen, Jehova i ndoa le hingeni su, su da ginmad le ngad asu, i danen longu masigane, i da gin meher masou, i da beg meher muren.

18Abraham i de gin ilndri heb longu hendre masou i gin boro ndoui le nongen ad Jehova, i danen i, i Damen asu gor mabosanged, dege Ndorlaben Jehova gin bai le ndro i: Su ndurm mabosanged, mabosanged su beg meher muren. 19I gin boro ndoui ad Ndorlaben ndoun ndoun ge, kristmas aden baghege masanged i de gin hanguruen mandrn i da gina barmanda bui, i da gin hanguruen ndoui ad nambulen Sara, baghege i da ginmad, bugane. 20Jehova i gin bai le ndro i, i da gin bieni nongen aden bui, i gin menda le ndoui ad Ndorlaben, i gin boro ndoui aden hian ge, i bamugueni ngarn ad Jehova. 21I danen i hian ge, Jehova i ghinen longu masigane dege i gin bai, i ndoa gleri. 22Jehova i da gin hanguruen Abraham gle hian monen ge. 23Abraham i boro ndoui ad Ndorlaben, Jehova i hanguruen hian monen ge le aden, nongen ogo i gin meher ndro i, i beg henunuen du gleri lie. 24Ndorlaben beg hanguruen du, dege i gin hanguruen Abraham, be dandu boro ndoui aden, dandu boro, i gin hingeni Ndorlaben Jesu le ngad aden. 25I da ginmad le surien longu adu momen, i gin ndne lie, du horuan du monen leri.

Currently Selected:

Rom 4: LLENT

Highlight

Copy