Popular Bible Verses from Rom 5

Share

Jehova i da gin henunuen du le golnisden aden: Kristo i ginmad me ndro du be iou ndremda longu momen.

Dandu i, iou da belengen dahed bui, golnisden ad Jehova i da le bergoldu, Meluan Helian i gin daui i me ndro du.

Longu hendre lie: Iou mugmug lie ar ngendian beg mehere. Dandu i, ngendian i da bo mburer, i da hengen le ndro hom ndramed ndoui ber lang. Iou ndoa ge, be iou da boro ndoui aden sidesi. Iou da belengeni longu masi, i beg meher muren.

Mandri ad Jehova i da ndro du gle ndoui ad Ndorlaben Jesu Kristo, i gin hinen du hian monen ge, le mburer aden. Aga dandu boro i. Dandu sal le golnisden ogo, iou dogi ri gle ndoui ad Ndorlaben Jesu, iou da gin boro i. Iou da mugueni ndoui ogo, dandu belengeni engerang ad Jehova.

Jesu Kristo i da ginmad, beg rui du baghege ndro i, du da manan ge. Mahanu iou heb ndoa bui gle longu ber lang.

Ndrai aden gin muh gin hinen du hian rosan ge, i bogulue du le gus ad Jehova.

Homo ge, i de delengan le nongen ad Jehova bui, boen su masigane su gin los, su gina momen ge. Homo i da delengan le nongen ad Jehova ge, su mabosanged su horuan leri.

Longu hendre lie: Iou ad Jehova ge, longu ogo iou mugueni manden aga Ndorlaben Jesu Kristo gin hinen i, i da gin regunha du le ndro Jehova.