Petrus I 1
1
Heb nongen hanu.
1Io Petrus, hom Apostel ad Jesu Kristo, io beani nongen hian le ndro su ber manan, Jehova gin loh su, su lao aden ge. Su da le gor Pontus e Galatia, Kapadosia, Asia e Bitinia, le molengasu Haiden. 2Jehova Damen gin loh su, beg hinen su helian ge, delengasu le nongen ad Meluan Helian, i gin sibui longu asu momen, gin surhi su le ndrai ad Jesu Kristo. Golnisden aden, ma mandri ad Jehova i da ge ndro mu dsoln.
Paulus bamugueni Jehova le memrad ber belengan.
3Iou bamugueni Jehova, aga Damen ad Ndorlaben adu Jesu Kristo, i da gin ilgi du gle houen, aga gahaloseli aden manden me ndro du. Malabo iou ha belengeni gor lundielang, be iou mamaren ri. I gin hengen me ndro du dagara gle ndoui ad Jesu Kristo, i da gin ndne lie le ngad aden. 4I beg hengen me ndro du memrad hian ge ber lang, i de so meng bui, i de glos bui, i de heb segdan bugane, rosan, hian gane. I bogulue memrad adu le gor lundielang gle hian ge. 5Aga le ndro mu, Ndorlaben gin bogulue mu gle hian ge, ndoui ad Jehova i beg hengen le ndro mu dege i beg boharni longu masi me ndro du heb eluen bui muren. I gin hinen longu ogo masi bomud, ir belengen du ge. 6Be mu hanguruen longu ogoro, mu ha ngei, mu ha mugmug, de hanguruen heb rang ademu momen bui, i da ge ndro mu, ar Jehova i ha somui ri. 7Ndorlaben beg ilndri le rang ademu momen i da gin meher ndro mu, mu gin boro ndoui aden hian monen ge, de bui. Ndoui aden ber lang mu da gin boro i, i dege gold i gina rosan gane, moan i gin dilmui longu masi i de heb rosan bui, muren danmu mugueni Ndorlaben, ma su gabmugueni Jesu Kristo be su gilndri mburer aden hian monen ge le bergolmu, bersi muren, be Jesu Kristo i mbsig me ndro du. 8Mu do gin ilndri i bui, golmuisden i ge, mu ha belengeni i, de danmu ilndri i bui, be mu hanguruen i ma ha mugmug, mu ha ngei manden ge. 9Danmu ibdi gor lundielang bersi muren, dege mu gin boro i, boen meluamu na ge horuan sidesi. 10Su Provet su gin hanguruen longu ogoro, su gin gahi nongen i da bosoui me ndro du, longu ber belengan. Su gin boharni me ndro du golnisden ad Ndorlaben. 11Su gin gahi sidesi, beg hanguruen monen ge, gehere rang na gmeher, be Kristus i ibdi ngendian le hauen boen i gal gor lundielang le engerang aden. Meluan ad Kristo, i da gin bo mburer le meluasu, i gin boharni le ndro su. 12I gin boharni le ndro su, su bo mburer ogo le ndro su ge, bui, le ndro su masigane, su da gin bohernou le ndro mu longu hian ber lang, gle ndoui ad Meluan Helian, aga ndoui ber belengan. Su ogo su gin bohernou le ndro mu longu hendre e hendre ber lang, su Angelo ber lang su ha leng ilndri i.
Dogi asu Kristen ndangen.
13Hian, girgai monen gle sal ademu, ghanguruen monen le bergolmu, ndoui ademu aga golnisden ad Jesu Kristo ge, dege su gin boharni le ndro mu. 14Mu dege su mbunana delengasu le nongen hian ge, mbue hangungerou longu hendre e hendre, dege mu gin hanguruen goru, de danmu longu hian ber belengan masou. 15Hian e lele dogi aden ge i da helian gane, i ogo gin loh mu, i ha lengi bern ademu hian helian gane, dege bern aden ge. 16Dege su gin hondre goru: Io ha lengi mu helian ge, io ge, io helian. 17Ar mu da soling le ndro Damen ademu, i da hanguruen mandrn ad hom ndramed bui, i da gob gord le ndro su le longu asu su gin hinen i, i hian de i momen, hian ha dogi monen ge le bormarn, ar mu do da le sal ademu. 18Aga danmu, goru mu gin dogi dege su damen ademu ber goru, malabo ge, Ndorlaben gin rumburdi mu, i gin semani mu gle moni de gle memrad ber boan bui. 19I gin semani mu gle ndrai ad Kristo, aga ndurmeh hian rosan gane. 20I do da nandugian nandugian, heb longu ber boan masou, Jehova ge gin boharni me ndro du longu aden muren. Aga i hian le ndro mu. 21Mu gin boro ndoui ad Jehova le ngarn aden, ndoui ad Jehova gorbo i gin hingeni i le ngad aden, i gin ilgi le ndro i engerang aden. Ar mu gin boro ndoui aden, danmu ha belengen i Jehova ge.
22Mu da gin hinen meluamu rosan ge, delengamu le nongen hian ber lang, golmuisden su ndern, de bahilou heb le ndro su le golnisden ademu bui, hian golmugisden homo ma homo le bergoln rosan ge. 23Ndorlaben gin ilgi mu gle ndoui ad hom ndramed ber boan bui, gle ndoui ber belengan ge, gle nongen ad Jehova i da mamaren sidesi, i de glos bui. 24Sengen ber boan masi i dege lomondriu, i mamali heb murai ge, dege nonou ber lonhou. Lomondriu i meng, nonou i voiliu, 25nongen ge ad Ndorlaben i de so meng bui, i do da sidegesi. Aga heb nongen iou gin boharni le ndro mu.
Currently Selected:
Petrus I 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
