Popular Bible Verses from Petrus I 1

Share

Iou bamugueni Jehova, aga Damen ad Ndorlaben adu Jesu Kristo, i da gin ilgi du gle houen, aga gahaloseli aden manden me ndro du. Malabo iou ha belengeni gor lundielang, be iou mamaren ri. I gin hengen me ndro du dagara gle ndoui ad Jesu Kristo, i da gin ndne lie le ngad aden. I beg hengen me ndro du memrad hian ge ber lang, i de so meng bui, i de glos bui, i de heb segdan bugane, rosan, hian gane. I bogulue memrad adu le gor lundielang gle hian ge.

Be mu hanguruen longu ogoro, mu ha ngei, mu ha mugmug, de hanguruen heb rang ademu momen bui, i da ge ndro mu, ar Jehova i ha somui ri. Ndorlaben beg ilndri le rang ademu momen i da gin meher ndro mu, mu gin boro ndoui aden hian monen ge, de bui. Ndoui aden ber lang mu da gin boro i, i dege gold i gina rosan gane, moan i gin dilmui longu masi i de heb rosan bui, muren danmu mugueni Ndorlaben, ma su gabmugueni Jesu Kristo be su gilndri mburer aden hian monen ge le bergolmu, bersi muren, be Jesu Kristo i mbsig me ndro du.

Hian e lele dogi aden ge i da helian gane, i ogo gin loh mu, i ha lengi bern ademu hian helian gane, dege bern aden ge. Dege su gin hondre goru: Io ha lengi mu helian ge, io ge, io helian.

Mu dege su mbunana delengasu le nongen hian ge, mbue hangungerou longu hendre e hendre, dege mu gin hanguruen goru, de danmu longu hian ber belengan masou.

Hian, girgai monen gle sal ademu, ghanguruen monen le bergolmu, ndoui ademu aga golnisden ad Jesu Kristo ge, dege su gin boharni le ndro mu.

Sengen ber boan masi i dege lomondriu, i mamali heb murai ge, dege nonou ber lonhou. Lomondriu i meng, nonou i voiliu, nongen ge ad Ndorlaben i de so meng bui, i do da sidegesi. Aga heb nongen iou gin boharni le ndro mu.