Korint I 13
13
Nongen le Golnisden.
1Be io dono bosoui nongen asu ndramed masi ber boan, nongen asu Angelo ber lang, golnisden ordo hebsa bui, io dege aiern si, io dege belo si. 2Be io dono bohernou hian ge, be io dono longu masi ber lang, be io dono boro ndoui ber belengan hian ge, io dono rui su bahali le logna asu giau, be ndoui ogo masigane i da ndro io, heb golnisden ordo bui, mburer ogo masi i molhege. 3Be io hengen memrad ordo masigane le ndro su, heb memrad asu bui, be io da daui mondro gle moan, heb golnisden ordo bui, mburer ordo masi i molhege. 4Golnisden ad homo i da belengen su, i da hanguruen hian le bergoln, i gus bui, i de bosoui nongen mabosanged bugane, i de hanguruen hian le aden bui. 5Golnisden hian i de ndounen su bui, i de gahi memrad aden sidesi bui, i de bo gros bui, i de surien longu momen gle momen bui. 6I da mugmug le longu hendre momen bugane, i mugmug ge le longu hian monen ge. 7I de dieni su bui, i boro ndoui ber lang hian ge, irbelengen le longu ber muren, i da belengen su, su heb ndoa bui. 8Golnisden hian i do da sidesi, bohernou asu i boen bersi muren, dagara nongen le germen houen, ma hanguruen le longu hian ge. 9Mburer ogo aga i de heb monen bui. 10Bersi muren, longu hian monen na gmehere, boen mburer ogo gineau gane. 11Be io hom mbunana, io gin bosoui nongen, dege su mbunana su bosoui i, io gin hanguruen, dege su mbunana su hanguruen, boen io gin menda, io hom hian ge. Io gin bieni bern asu mbunana, io hanguruen dege su hian. 12Iou da ilndri malabo sameluan ge le longu masi, bersi muren iou da ilndri longu masi hian monen gane, dege homo i da ilndri bormarn ad homo. Malabo io de dono longu masi hian masou, bersi muren io dono longu masi hian monen gane dege Ndorlaben i danen io. 13Malabo longu hendre gorbo, aga ndoui ber lang, i da le bergolo, io da dono boro longu ber lang hian gleri. Longu hendre lie: Ndoui gorbo, io da ndoa le belengen longu masi i da gmeher muren leri, ma longu hendre lie: Ndoui le golnisden su. Golnisden aga memrad ber lang hian hanu le memrad masigane ber gor lundielang.
Currently Selected:
Korint I 13: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
