Korint I 12
12
Heb Nongen Le Memrad Ber Lang.
1Malabo io beg bosoui le ndro mu heb nongen le memrad ber lang, gle longu ad Meluan Helian. 2Mu ndere hian, danmu be mu Haiden ge, mu da gin dirhor ndro su beld, su gin rui mu ndoun ndoun sidesi. 3Homo i de danen boii Jesu bui, be Meluan ad Jehova i da le bergoln. Homo i de danen bai bugane: Jesu i Ndorlaben ordo, Meluan Helian ge i boharni i le ndro i. 4Memrad ber lang aga mabosanged, Meluan Helian, i homo ge. 5Mburer le longu ber lang aga dsoln, homo ge i Ndorlaben. 6Ndoui ber lang i da le belengan dsoln, homo ge i Jehova i da hinen longu masigane. 7Meluan Helian i da boharni longu ber lang le ndro homo ma homo, beg sobani su masigane leri. 8Meluan Helian i da hengen le ndro homo, i danen bohernou hian, i hengen le ndro homo, i danen bosoui longu le Meluan, 9i hengen le ndro homo, i danen boro ndoui ber lang, Meluan Helian i da hengen le ndro homo ndoui ber lang, i danen regurdueni su sik. 10I hengen le ndro homo, i danen hinen gelman manden, i hengen le ndro homo i danen boharni longu ber lang. Le ndro homo i hengen germen houen, i da bosoui longu ber lang leri. Le ndro homo i hengen ndoui, i danen absoui longu masi su da bosoui le germen houen. 11Mburer ogo masigane i ge, Meluan Helian i hinen i, i hengen le ndro homo ma homo le mburer aden, dege i ha lengi.
12Mandrn ad hom ndramed hom ge, ndegen e nemen, delengan e ngohon, hagi e hagi i da le mandrn, aga i vonei mandrn ad homo ge. Longu le Kristo dagara lie. 13I gin rui du masigane bersi gle ndoui ad Meluan Helian, i da gin surhi du, iou aden ge bersi, iou asu Juda, de asu Grek, iou labenen, de iou lao dandendegei. Meluan Helian gin hengen me ndro du masigane, iou aden ge. 14I da le mandrn ndegen e nemen, delengan e mandrn hagi e hagi. 15Be ndegen i bai: Io nemen bui, io mandrn hagi aden bui, i le aden ge. 16Be delengan i bai: Io begmarn bui, io le mandrn bugane, i le ad mandrn. 17Be mandrn ad homo masigane aga begmarn ge, delengan ad hom ndramed i da oho? Be mandrn ad hom ndramed i delengan ge, ngohon i da oho? 18Jehova i da gin daui mandrn hagi e hagi le logna aden ge, dege i ha lengi i. 19Be mandrn masi i ndegen ge, de i nemen ge, mandrn masi i da oho? 20I da le mandrn ad homo, mandrn hagi e hagi. 21Begmarn i de danen bai le ndro nemen bui: Gonan, uo da molhege, dagara borbalen i de danen bai le ndro su degen bugane: Mu da molhege le mandrn. 22Bugane, mandrn hagi e hagi i da mandehege dege begmarn de delengan i hian ge. 23Iou da nouni mandru i da heb mamali bui, gle nounou hian ge hanu le mandro i da mamali ge. 24Ehe, Jehova i da gin mengseni mandru masi hian monen ge, mandrn hagi e hagi i da heb mamali bui, i da bo mburer hian hanu, iou mugueni i hanu. 25Debosan mandrn hagi i da bo iil le ndro mandrn hagi, i ha lengi i hagi i sobani hagi le mburer aden. 26Be ngendian i da le mandrn hagi mandrn masigane i da ngendi. Be iou mugueni mandrn hagi, mandrn masigane i mugmug bersi. 27Mu mandrn ad Jesu Kristo. Homo ma homo i dege mandrn hagi e hagi le mandrn ogo. 28Jehova gin hinen su holel le su Apostel, su holel le su ndremda hernou, su holel su ndremda henunuen su. I gin daui le ndro su holel ndoui aden, dansu bo gelman manden, su holel dansu regurdueni su ndramed, su holel dansu sobani su le memrad asu, su holel dansu bogulue mburer asu. Su holel dansu bosoui nongen le germen houen. 29Su masigane su Apostel ge? Su masigane su ndremda hernou, su masigane su ndremda henunuen su? Dansu masigane hinen gelman ber lang? 30Dansu masigane regurdueni su? Dansu masigane bosoui nongen le germen houen? Dansu masigane boharni nongen su da gin bosoui le germen houen? Bugane, 31hanguruen memrad ogo ad Meluan Helian, aga i hian ge. Malabo ge, io beg bosilieni le ndro mu sal hasel hian hanu, le sal masigane.
Currently Selected:
Korint I 12: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
