Korint I 14
14
Nongen le Germen Houen Ma Bohernou Longu Gle Meluan Helian!
1E boro golnisden hian ge, ma hanguruen memrad ber lang hendre e hendre, hanu memrad le bohernou longu le Meluan Helian. 2Homo i da bosoui le germen houen, i da bosoui nongen ogo le ndro su ndramed bui, le ndro Jehova ge, su ndramed de dansu nongen aden bui, Meluan Helian i da gin daui nongen ogo le bohon, i ndrodhi nongen ogo. 3Homo i da bohernou, i da bohernou le ndro su ndramed, i ha leng sobani su, i ha leng henunuen su, i ha leng rederhi su gle nongen aden. 4I da bosoui le germen houen, i da sobani Meluan ge i da bohernou longu le Meluan Helian, i da bosoui su ber lodu ad Jesu. 5Io ha lengi mu masi danmu vong le germen houen, io ha lengi hanu, mu masi danmu bohernou longu le Meluan. Ndremda hernou i da bosoui longu le Meluan i hanu, i da bosoui le germen houen i da muren. Be i danen boharni longu masi, germen i da gin bai, le ndro su, su da gin me le goure, aga i hian. 6Mu ndere hian, be io da beg meher ndro mu, be io da beg bosoui le ndro mu nongen le germen houen aga i de danen sobani mu bui, be io da bohernou le ndro mu, be io da boharni le ndro mu longu ber lang, be io da henunuen mu, aga i hian ge. 7Ngasen i da le musik asu ndramed, be ngasen i da hian monen bui, sie i danen, sehe gagaile i gin gagaile ri. 8Be su de hinen ndah hian bui, dansu me goure derbe? 9Dagara mu masi lie, be mu da bosoui le germen houen, aga heb nongen asu ndramed bui, de dansu hirong i bui. Mu da bosoui le ndro su dahed. 10Nongen asu ndramed ber boan i bersi bui, gor si de danen nongen ad gor si bui. 11Be io de dono nongen asu bui, io de dono i bui, su ndramed ha lengi sa, de dansu io bui. 12Dagara le ndro mu, be mu hanguruen mburer ber lang, ghanguruen mburer danmu sobani su lao ad Jesu gleri. 13Su da bosoui nongen le germen houen, su ha soling ndro Ndorlaben, i ghengen le ndro su, dansu boharni le ndro su nongen asu. 14Be io da lodu le ndro Jehova le germen houen, meluo ge i da lodu, hanguruen ordo bui. 15Malabo i hi derbe? Io ha leng lodu gle meluo, io ha leng lodu gle boho lie. Io ha leng gagaile gle boho, ma gle meluo dagara lie. 16Be uo da lodu le ndro Ndorlaben gle meluam ge, gle bohom bui, su da lodu bersi, su dansu bai derbe, Amen, de dansu nongen adem bui, uo da gin bai. 17Uo danem mugueni Ndorlaben hian ge, su ge, su ha lodu bersi, de dansu mugueni adem bui. 18Io bamugueni Jehova, io dono bosoui le germen houen hian hanu le ademu masigane. 19Be io da le numo lodu asu, io ha leng bosoui le ndro su nongen malima ge dansu leri, be io dono henunuen su, aga i hian hanu de nongen masobu, le germen houen.
20Mu ndere hian, mbue hanguruen dege su mbunana, ehe, le longu ademu momen mu dege su mbunana, hian hanguruen ademu i dege asu hian ge. 21Su gin hondre goru: Io beg vong le ndro su le nongen asu ber gor manan le germesu ber gor, de dansu i bui, su de hirong nongen ordo bui, aga nongen ad Ndorlaben. 22Su da bosoui le germen houen, aga gelman le ndro su lao ad Jesu bui, aga gelman le ndro su Haiden ge. Ar homo i danen bohernou, aga gelman, aga nongen le ndro su lao ad Jesu ge. 23Be su lao ad Jesu su me goure, ma su da lodu le germen houen, malabo homo, i hom lao ad Jesu bui, i da mehere, i hirong nongen asu, i de danen nongen asu bui, i vong, i bai, su ndramed gouge. 24Be su masi su da bohernou le nongen asu longu hendre e hendre ber lang, malabo homo, i lao ad Jesu bui, i meher, i hirong nongen asu, nongen asu i iou le bergoln. I danen, nongen asu i monen, su da gin bosoui i. 25Su da boharni longu hendre e hendre i da le bergoln. Be i da hirong nongen asu dagara, i los le boan i lodu le ndro Ndorlaben, i boharni, i vong, i bai: Ndangen Jehova i da le molengamu. 26Malabo i hi derbe, mu ndere hian? Be mu da me goure le numo lodu, homo ma homo i da hanguruen longu ber lang, homo i da gagaile, gagaile si, homo i da bohernou le ndro su, homo i da boharni heb longu Meluan i gin doui le bergoln, homo i bosoui heb nongen le germen houen, homo i boharni nongen le germen houen, boen danmu sobani su, su da gin me goure, 27Be mu ha leng bosoui le germen houen, hian sor marmou ge, de su madilmou ge, su bosoui, homo hanu, ma homo muren. Ma homo i boharni nongen le germen houen. 28Be homo i da le molengasu bui, i danen boharni nongen le germen houen, gonan, su da beg bosoui le germen houen, su simge. Be su da le um asu, dansu bosoui le ndro Jehova le germen houen. 29Su da bohernou, sor marmou ge, de su madilmou, su gbohernou, ma su masi su hanguruen bohernou asu le bergolsu, i hian de i heb hian bui. 30Be Jehova i daui heb longu le bergoln ad homo, i da beg boharni le ndro su, su masi su simge, i ge, i bosoui boharni aden hanu. 31Su da beg bohernou, su bohernou homo hanu, ma homo muren, boen su masi su hirong bohernou ademu, danmu henunuen su leri. 32Meluasu Proved delengasu le nongen asu Proved. 33Jehova i ha lengi, lodu ademu i hian monen ge, i mbueren i momen ge. I hom Ndorlaben le benu ge. 34Su bihin, su da simge le numo lodu, su de bohernou bui, io mbuere su vong le numohernou, su hirong nongen ge, delengasu le nongen ad Jehova, dege su gin hondre goru. 35Be su ha leng hanguruen longu hendre e hendre hian, su e ndemani nambulsu le um asu, aga i momen le ndro hom bihin be i da vong nongen le numohernou ademu. 36Nongen ad Jehova i da ndro mu ge, i da gin hilou ge le ndro mu? 37Ar homo i da hanguruen i, hom ndremda hernou, Meluan Helian i gin daui memrad hian le bergoln, i ogo, i hanguruen nongen ogo io da gin hondre le ndro mu, i nongen ad Ndorlaben ge. 38Be homo i da hanguruen dagara le bergoln bui, Jehova i de hanguruen i lie bugane. 39Mu ndere hian, ha soling, Ndorlaben i hengen le ndro mu, danmu bohernou longu le Meluan. Mbue sendraini su, su da beg bosoui le germen houen. 40Longu masi i da le lodu ademu i hian, i monen ge.
Currently Selected:
Korint I 14: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
