Popular Bible Verses from Korint I 13

Share

Golnisden ad homo i da belengen su, i da hanguruen hian le bergoln, i gus bui, i de bosoui nongen mabosanged bugane, i de hanguruen hian le aden bui. Golnisden hian i de ndounen su bui, i de gahi memrad aden sidesi bui, i de bo gros bui, i de surien longu momen gle momen bui.

I de dieni su bui, i boro ndoui ber lang hian ge, irbelengen le longu ber muren, i da belengen su, su heb ndoa bui.

I da mugmug le longu hendre momen bugane, i mugmug ge le longu hian monen ge.

Malabo longu hendre gorbo, aga ndoui ber lang, i da le bergolo, io da dono boro longu ber lang hian gleri. Longu hendre lie: Ndoui gorbo, io da ndoa le belengen longu masi i da gmeher muren leri, ma longu hendre lie: Ndoui le golnisden su. Golnisden aga memrad ber lang hian hanu le memrad masigane ber gor lundielang.

Golnisden hian i do da sidesi, bohernou asu i boen bersi muren, dagara nongen le germen houen, ma hanguruen le longu hian ge.

Be io dono bosoui nongen asu ndramed masi ber boan, nongen asu Angelo ber lang, golnisden ordo hebsa bui, io dege aiern si, io dege belo si.

Be io dono bohernou hian ge, be io dono longu masi ber lang, be io dono boro ndoui ber belengan hian ge, io dono rui su bahali le logna asu giau, be ndoui ogo masigane i da ndro io, heb golnisden ordo bui, mburer ogo masi i molhege.

Be io hengen memrad ordo masigane le ndro su, heb memrad asu bui, be io da daui mondro gle moan, heb golnisden ordo bui, mburer ordo masi i molhege.

Be io hom mbunana, io gin bosoui nongen, dege su mbunana su bosoui i, io gin hanguruen, dege su mbunana su hanguruen, boen io gin menda, io hom hian ge. Io gin bieni bern asu mbunana, io hanguruen dege su hian.