1 Korinto 1

1Ci Pawlo kako, pakayni i nafaloco'an no Kawas a matahidang a malatarokos ni Kristo Yis kako. Ato salikaka ci Sostinis 2patilid to i Korintoay a kiwkay no Kawas. Kamo ato milongocay to ngangan no Tapang ita ci Yis Kristoan a tamdaw. I ci Kristo Yisan malcaday o nipili'an kamo to mamalomitooray, o no Kawas to kamo. O Tapang nangra ci Kristo, o Tapang ita.

3Nanay, mapaini no Wama a Kawas ita ato Tapang ci Yis Kristo kamo to mikomi ato rihaday!

O Nika Lmed i tini ci Kristoan

4Mararid kako a mikansiya i Kawas ako to saki tamowanan, nawhani pakayni ci Kristo Yisan a mapaini kamo to mikomi, 5pakayni i nika laccay namo aci Kristo a mapakadofah kamo to masamaamaanay halo nika fana' ato nika somowal namo. 6O wacay niyam to pakayniay i ci Kristoan a Nga'ayay Ratoh i, irato a mapatanoktok i faloco' namo. 7Saka, awaay ko kacango'otan namo to maan aca a rocek. Deng o nipitala aca namo a ccay to sakatalahkalaw no Tapang ita ci Yis Kristo. 8O papatanekteken no Tapang ko piti'er namo tahira i pahrekan. Ta ano irato a tayni ko Tapang ita ci Yis Kristo i, caay ka pastek kamo i raraw. 9O so'linay a tati'eren ko Kawas. Cingra ko mitahidangay i tamowanan a papikapot to Wawa Ningra ci Yis Kristoan o Tapang ita.

O Kalacinowas no Kiwkay

10Salikakaaw, pakaynien ako i ngangan no Tapang ita ci Yis Kristo ko pilongoc i tamowanan to sakalaccayaw no sowal namo ato saka^caaw ka lacidecidek namo a masakapokapot. Palcaden ko faloco', palcaden ko harateng namo a masongila' a marikec. 11Salikakaaw ako, mapasowal no paro no loma' ni Kloy kako to nika ira no kacacolicoli namo. 12Ano pahapinangen ako a somowal ko nano sowal namo i, <<I ci Pawloan kako, i ci Apolosan kako. I ci Pitiroan kako. I ci Kristoan kako,>> saan ko paytmek namo. 13O nao mapalicinowasay ko tireng ni Kristo!#1.13 O nao mapalicinowasay ko tireng ni Kristo! -- o roma a katlangay a cudad i, Caay ko mamapalicinowas ci Kristo! sanay. Namapacek ci Pawlo i ciwcika to saki tamowanan hakiya? Malanisawawaan ni Pawlo kamo a mapaino' saw?

14Mikansiya kako i Kawas to nika awa ko ccaccay aca a nipaino'an ako i tamowanan. Deng ci Krispus aci Kayus ko nipaino'an ako. 15Orasaka, awaay ko sasomowal namo to nika malanisawawaan ni Pawlo kako a mapaino' a saan. 16(Mipaino'ay kako to paro no loma' ni Stifanas. Nikawrira, awaay ko roma a kafana'an ako to pipaino' ako i cimacimaan.) 17O piocor ni Kristo i takowanan i, caay ko sapipaino'aw, o sapipatnakaw to Nga'ayay Ratoh. Caay ko citanengay a sowal ko sapipatnak ako. Onini i, o saka^caaw ka lasawad no 'icel no patay ni Kristo i ciwcika.

O 'Icel ato Taneng no Kawas ci Kristo

18O sowal to pakayniay i nika patay ni Kristo i ciwcika i, o maapaay saan ko pinengneng no mamatkop a tamdaw. Nikawrira, o pinengneng ita o mamapa'orip a tamdaw i, o 'icel no Kawas konini saan. 19Mato sowal a matilid i Fangcalay Cudad,

<<Palahdawen Ako ko taneng no citanengay a tamdaw.

Palasawaden Ako ko fana' no citangalay a tamdaw,>> saan.

20Ano hatira i, maan sato ko citanengay namo saw? Maan sato ko citangalay namo saw? Maan sato ko makimaday no aniniay a tamdaw saw? Awaay ko ^poc. Mapahapinangto no Kawas ko nika o maapaay ko taneng no aniniay a tamdaw.

21O nano taneng no Kawas ko saka^ca ka fana' no tamdamdaw to Kawas pakayni i taneng nangra. Orasaka, pakaynien no Kawas i maapaay a sowal hananay no mamatkop a tamdaw ko pipa'orip to miti'eray i ci Kristoan. 22O kafahka'an a dmak ko nilongocan no Yutaya a tamdaw. O taneng ko nilongocan no Krisiya a tamdaw. 23Kita sa i, patnak to pakayniay i nika pacek ni Kristo i ciwcika. Nikawrira, ma'osi ko Yutaya a tamdaw tonini. Pakomaapaay ko roma a finacadan tonini. 24Ano o Yutayato a tamdaw, ano o Krisiyato a tamdaw, ano matahidang no Kawas cangra i, o 'icel no Kawas, o taneng no Kawas ci Kristo saan cangra. 25Nawhani o apa no Kawas i, ikaka no nika citaneng no tamdaw. O nika tadanca no Kawas i, ikaka no nika ci'icel no tamdaw.

26Salikakaaw, haratengen ko nika masamaan kamo yo mitahidang ko Kawas i tamowanan. Ano pakaynien i no tamdawan a pinengneng i, caay ka 'aloman ko citanengay namo. Caay ka 'aloman ko ci'icelay namo. Caay ka 'aloman ko tadamaanay ko 'orip. 27O sapakangodoaw no Kawas to citanengay a tamdaw saka, padteng sa Cingra a mipili' to maapaay hananay no aniniay a tamdaw. O sapakangodoaw Ningra to ci'icelay a tamdaw saka, pili'en Ningra ko tadancaay hananay no aniniay a tamdaw. 28O sapalasawadaw no Kawas to kakalimlaan hananay no aniniay a tamdaw saka, pili'en Ningra ko sasafaay ko 'orip ato maplesay hananay no aniniay a tamdaw oya awaay ko ^poc hananay no aniniay a tamdaw. 29Orasaka, caay ko papasneng ko cimacima a tamdaw i ka'ayaw no Kawas. 30Nikawrira, o nano Kawas ko sakalaccay namo aci Yis Kristo. O nipatirengan no Kawas Cingra to malotaneng ita. Pakayni i Cingraan ko sakanga'ay ita a malayap no Kawas ato sakalafangcal ita ato sakatdal ita. 31Orasaka, mato sowal a matilid i Fangcalay Cudad, <<Ano cima ko malata'angay i, ka o dmak no Tapang ko kalita'angen,>> saan.

Currently Selected:

1 Korinto 1: AMIS2019

Highlight

Copy