Popular Bible Verses from 1 Korinto 1

Share

O sapakangodoaw no Kawas to citanengay a tamdaw saka, padteng sa Cingra a mipili' to maapaay hananay no aniniay a tamdaw. O sapakangodoaw Ningra to ci'icelay a tamdaw saka, pili'en Ningra ko tadancaay hananay no aniniay a tamdaw.

O sowal to pakayniay i nika patay ni Kristo i ciwcika i, o maapaay saan ko pinengneng no mamatkop a tamdaw. Nikawrira, o pinengneng ita o mamapa'orip a tamdaw i, o 'icel no Kawas konini saan.

Nawhani o apa no Kawas i, ikaka no nika citaneng no tamdaw. O nika tadanca no Kawas i, ikaka no nika ci'icel no tamdaw.

O so'linay a tati'eren ko Kawas. Cingra ko mitahidangay i tamowanan a papikapot to Wawa Ningra ci Yis Kristoan o Tapang ita.

Salikakaaw, pakaynien ako i ngangan no Tapang ita ci Yis Kristo ko pilongoc i tamowanan to sakalaccayaw no sowal namo ato saka^caaw ka lacidecidek namo a masakapokapot. Palcaden ko faloco', palcaden ko harateng namo a masongila' a marikec.

Ano hatira i, maan sato ko citanengay namo saw? Maan sato ko citangalay namo saw? Maan sato ko makimaday no aniniay a tamdaw saw? Awaay ko ^poc. Mapahapinangto no Kawas ko nika o maapaay ko taneng no aniniay a tamdaw.