2 कोरिन्थि 2
2
1नेलाइहेङ दुख पिलि आरोङ माल्वाङका दोअ्तेङ का निसित पाघा। 2हाइपालिपानु का नेलाइहेङ दुखि बानाइघा पानु, का दुखि बानाइका नेलाइ बाहेक आरु हासु बुङ कासेहेङ लेङचापालि माद्वाङ। 3कालाउ का जेदोङ काथा लेखेघा, इङको इदोइ कारनहोइ लेखेघा, कि का लोलाउ जेदोङ द्याङगेलाइ पाहासो का आनान्द निङलि गोइका हिघाखा इम्बालाइ पाहासो का दुखि जेङलि मागोइयाको, हाइपालिपानु का आनान्द हिलाउ नेलाइ बुङ आनान्द जेङसुखेना दोअ्का कासेहेङ पुरा भोरोसा हि। 4हाइपालिपानु नेलाइहेङ दुखि बानाइलिको भाअ्सिङ माको, भरु नेलाइ दोफा हिका काङको गेने-गेल्का प्रेम नेलाइ गिसु दोअ्तेङ ह्रदयको हेन्जा तुका कालाउ बेदानाता हेन्जाङ मिति ह्यापाकाताङ का पात्तारा नेलाइहेङ लेखेका हिघाखा।
पापको स्यामा
5कालाउ जेसापा हासु बुङ दुखको कारन हि पानु वा काङको भाअ्सिङ खिनिङ माको, कालाउ वा कासेहेङ खान्तेङ नेलाइहेङ हेन्जा दुख पिका हि, का याको बारेता या खान्तेङ हेन्जा आरु हाइ दोङ दोअ्लि माचाहिखा। 6नेलाइ मध्ये हेन्जा खान्धुराइगेलाइ पिका साजाइ उङकोहेङ नेलाइ तिङकाङ हिसुना। 7भरु नेलाइ वासेहेङ स्यामा कालाउ सान्तावाना पिलि गोइखे, माकुनुते इङको मारेम्फाङ दुखि जेनावा, कालाउ चिता दुबितेङ हिका द्याङ भाइका जेनावा। 8ओदोङ भाअ्सिङ का नेलाइहेङ सेउपाखा, कि नेलाइ उङकोहेङ एलाङ बुङ प्रेम पानाखे दोअ्तेङ पाक्का पासु। 9ओदोङ भाअ्सिङ दोङ नेलाइहेङ जाचिलि, कालाउ काङको आदेसगेलाइहेङ किलि नेलाइ आग्याकारि हिसुना कि मान्थुसुना दोअ्का काथा थाहा निङलिको भाअ्सिङ का नेलाइहेङ लेखेघा। 10जाइहेङ नेलाइ स्यामा पिसुखेना, का बुङ वासेहेङ स्यामा प्याङका, जेसापा का हासुहेङ बुङ स्यामा पिलि गोइका हि पानु, का वासेहेङ लाम्फाङ स्यामा पिलि दोअ्का हिघा, का नेलाइको भलाइको भाअ्सिङ ख्रिस्टको आगाता का वासेहेङ स्यामा पिका हिघा। 11कालाउकि साइतान केलाइहेङ फसेपालि मानिनाको, हाइपालिपानु केलाइहेङ इङको को गोताङ युक्तिगेलाइ थाहा हि।
नावा कारारको सेवकगेलाइ
12ख्रिस्टको सुसमाचार प्राचार पालिको भाअ्सिङ तरोआस सहरता हानिलाउ परमेस्वर कासेहेङ सुसमाचार प्राचार पालि बार्का माउका पिका हिघाहि। 13कालाउ इन्ता काङको खान्धुराइ ओने तितसहेङ नेलाइसो बानाल चुमाका मादुसुलाउ काङको मनता सान्ति माजेङहि, ओदोङ भाअ्सिङ तरोआस सहरको खान्धुराइगेलाइसो बिदा ह्रुतेङ का म्यासिडोनिया प्रदेसता तितसहेङ भेतिलि घुरितेङ लोघा।
14कालाउ परमेस्वरहेङ धन्यबाद ज्याको, हाइपालिपानु केलाइको ख्रिस्ट दोफाको सामान्दा, परमेस्वर जेलाउ बुङ केलाइहेङ ख्रिस्ट दोफाङ थोङखे कालाउ बिजोइ जेङखे, याको माने या हि कि, केलाइ हिसो बुङ हानिन्हाखे, केलाइ सुसमाचार प्राचार पानाखे कालाउकि झाराङ द्याङगेलाइ परमेस्वरको बारेता हिनाको कालाउ ग्याको। 15हाइपालिपानु केलाइको जिबन परमेस्वर थेकापा थुकाका ख्रिस्टको भाइका मालामालाका हि, कालाउ इदोइ मालामालाका को मुक्ति निङतेङ हिकालाइ कालाउ हान्ति जेङतेङ हिकालाइ पाहासो फरक तरिकासो बुझिखे। 16एमिको भाअ्सिङ सिकाको न्हाम्का, कालाउ भेनेङको भाअ्सिङ जिबनको मालामालाका जातिङको हासु बुङ ताइमिङ या मालामालाका फाइलाइलि मादोखे। 17हाइपालिपानु हेन्जाङ द्याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।
Currently Selected:
2 कोरिन्थि 2: DHINT
Highlight
Share
Compare
Copy
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
