कालाउ परमेस्वरहेङ धन्यबाद ज्याको, हाइपालिपानु केलाइको ख्रिस्ट दोफाको सामान्दा, परमेस्वर जेलाउ बुङ केलाइहेङ ख्रिस्ट दोफाङ थोङखे कालाउ बिजोइ जेङखे, याको माने या हि कि, केलाइ हिसो बुङ हानिन्हाखे, केलाइ सुसमाचार प्राचार पानाखे कालाउकि झाराङ द्याङगेलाइ परमेस्वरको बारेता हिनाको कालाउ ग्याको। हाइपालिपानु केलाइको जिबन परमेस्वर थेकापा थुकाका ख्रिस्टको भाइका मालामालाका हि, कालाउ इदोइ मालामालाका को मुक्ति निङतेङ हिकालाइ कालाउ हान्ति जेङतेङ हिकालाइ पाहासो फरक तरिकासो बुझिखे।