Apokalipsis 21
21
1Ondaka dikhlem iek miloso nevo ta iek phuv nevi, soke o purvo miloso ta e purvi phuv nakhle ta e mora ni saia ios.#Is 65.17; 66.22; 2 P 3.13.
E nevi Jerusalem
2Ta dikhlem o santo foro, e nevi Jerusalem kai fuliela katar o miloso e Devleko, lachardi sargo iek chei te zinilpe e chavea.#Is 52.1; 61.10; Gl 4.26; Apo 3.12; 19.7-8. 3Ta asundem iek baro avazi kai avela katar o trono kai phenela: Kate si kai o Del zivil pe foroia. Ta o Del ka zivil lenchar, ta von ka aven leko foro, ta isto vou ka avel lengo edino Del.#Lv 26.11,12; Ez 37.27. 4Ta o Del ka kosel sa lenge ausa, ta ni ka avel ios o meripe, ni o roipe, ni o kukipe, ni e duk, soke e purve ezgode nakhle.#Is 25.8; 35.10; 65.19; Apo 7.17.
5Ondaka gua kai besela po trono phenda:
Me cherav sa e ezgode neve. Ta i phenda:
Pisisar, soke gala alava si chache ta chachune.
6Mapalal phenda mange: Cherdo si. Me sem e Alfa ta e omega,#21.6 Alfa si e purvi letra katar e griegura, a e omega si e mai paluni. o mai anglal ta o mai palal. Ko si trusalo me ka dav le te piel llabe kotar katar likel o pai o llundo.#Is 55.1; Jn 4.10,14; 7.37. 7Gua kai ka dobil ka avel lenge dine sa gala ezgode; ta me ka avav leko Del ta vou ka avel mo chaurro.#2 S 7.14; Sal 89.26-27. 8A e darane, ta e llene kai ni pachan, ta e bilache, ta gola kai mundaren, gola kai cheren o kurvaluko, ta gola kai cheren e chirimate, gola kai blagosin avere delen ta sa e kojamne, ka aven kote kai phabol e iag ta o asufre, kai gua si o duito meripe.#Mt 25.41; Apo 2.11; 20.14.
9Ondaka avilo mande iek katar e efta suechura kai saia len e efta tasura pherde katar e efta zatranie kai si te aven, ta dia orba manchar, ta phenda mange:#Apo 16.1.
Aide karinga, me ka sikavav chuke e diskinia kai si mangli, te avel e rromi e Bakreki. 10Ta inllarda man ando Duo kai iek burdo baro, ta sikada mange o baro foro santo katar o Jerusalem, kai fuliela katar o miloso e Devleko.#Ez 40.2. 11Ta o foro kletosarela katar o klichipe e Devleko; ta leko klichipe saia sargo iek barr but kuch sargo o diamante bristo, sargo e serchava. 12Truial katar o foro, saia iek baro zido kai sea le desudui udara, ta pe suako udar iek suecho; ta pe udara sea pisime e anava katar e desudui viche e Israeleke. 13Ando este katar o foro sea trin udara, ando norte trin udara, ando sur trin udara, ando oeste trin udara.#Ez 48.30-35. 14Ta o zido e foroko saia upral pe desudui barra, ta upral pe lende e desudui anava katar e desudui apostolura e Bakreke.#Ef 2.20.
15O suecho kai dela orba manchar inllarela iek kas sunakuno te llinel e pole katar o foro, leke udara ta leko zido.#Ez 40.3. 16O foro saia le star riga, ta leko lungipe saia sargo leko bulipe. Ta o suecho llinda e pole katar o foro pe sunakune kastea: ta sea le dui milie ta dui stotine kilometrura: leko lungipe ta leko baripe saia is, to sargo leko bulipe. 17Mapalal llinda i o zido; ta sea le sovardes ta panch pole: prema sar llinen e manusa, gia llinda o suecho. 18O zido saia cherdo katar o diamante, a o foro saia cherdo katar o sunakai o lacho, ta klichila sargo serchava chisti. 19E barra kai sea telal katar o zido e foroko sea lacharde ande but sukar barra:
O purvo saia diamante, o duito saia safiro, o trito saia agata, o starto saia esmeralda, 20o panchto saia onise, o souto saia rubi, o eftato saia krisolito, o ojtoto saia berilo, o iniato saia topasio, o desto saia krisoprasa, o desuiekto saia jasinto, ta o desuduito saia amatista. 21E desudui udara sea desudui klea, suako udar saia cherdo katar iek klen. Ta o drom e foroko saia cherdo katar o sunakai lacho ta bristo sargo e serchava.#Is 54.11-12.
22Ta ni dikhlem ande lete o Cher e Devleko, soke o Gazda, o Del kai si le sa e zor ta o Bakro, si o cher e Devleko ande gua foro. 23E foro ni trubul le o kham ni o chon te del le villelo, soke o villelo e Devleko si kai kletosarel le, ta o Bakro si leki lampara.#Is 60.19-20; Jn 8.12. 24Ta e phuvia kai ka aven braduime ka phiren ande leko villelo, ta e charura e phuvienge ka anen leke po barvalipe ta po liubao.#Is 60.3. 25Ta e udara e foroke nikada ni ka aven phangle ollivesea, ta kote ni ka avel orachaia.#Is 60.11. 26Ta ka inllaren o barvalipe ta o liubao e phuviengo kai gua foro; 27ta nikada ni ka del ando foro ni iek ezgoda pokalime o kai cherel bilachipe o kojaipe, samo ka den ande lete gola kai lenge anava si pisime ando lil e zivotoko ta e Bakreko.#Is 52.1; Ez 44.9.
Currently Selected:
Apokalipsis 21: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
