Apokalipsis 22
22
1Mapalal o suecho sikada mange iek len chisti, iek pai kai del zivoto ostade ta bristo sargo e serchava kai likela katar o trono e Devleko ta katar o Bakro.#Ez 47.1,12; Zak 14.8. 2Ta po maskaral katar o drom o mai baro katar o foro, pe dui riga katar e len saia o kas e zivotoko, kai del septelie suako chon, gua si kai del desudui droma septelie ando burs llive; ta leke patra sea te sastaren e phuvien.#Jen 2.9. 3Ta ando foro ni ka avel niso proketime. O trono e Devleko ta e Bakreko ka avel ando foro, ta leke esluge ka blagosin le.#Jen 3.17. 4Sa ka dikhen e Devleko mui, ta e Devleko anav ka avel pe lengo chikat.#Sal 17.15; Mt 5.8; 1 Jn 3.2. 5Kote ni ka avel ios e riat, ta nika ni ka trubul e lampara ni o villelo e khameko, soke o Del o Gazda ka avel lengo villelo, ta von ka charoin ostade.#Is 60.19; Apo 21.23.#Dn 7.18.
Pase si kana ka avel o Jesukristo
6Ta o suecho phenda mange: Gala alava si chache ta chachune. O Gazda o Del, si isto gua kai del po Duo e profetanen, ta bichalda pe suecho te sikavel pe eslugenge e ezgode kai si te avenpe oma.
7¡Thoven sama, me ka avav oma! ¡Blagosime gua kai cherel so phenen e alava katar e poroka kai si pisime ande gava lil!
8Me o Juan, dikhlem ta asundem gala ezgode. Ta kana dikhlem len ta asundem len, diem changa angla e porrne e suechoke kai sikada mange gala ezgode, te blagosiv le. 9A vou phenda mange: Na cher gia, soke me sem esluga e Devleko sargo tu, sargo che phlal e poraukura ta sargo gola kai cheren so si pisime ande gava lil. Blagosisar e Devle.
10Ta i phenda mange: Na muk gurudini e poroka kai si pisime ande gava lil, soke o vreme si pase, 11Muk e bilache te llan ande po bilachipe, ta e llene kai si le bilache mislura te llal ande pe bilache mislura. A ko si lacho manus te llal ande lachipe, ta ko si santo, te avel ios mai santo.#Dn 12.10.
12Thoven sama, me ka avav oma ta ka dav suakone llene te dobil prema so cherda.#Jer 17.10. 13Me sem e Alfa ta e omega,#22.13 Alfa si e purvi letra katar e griegura, a e omega si e mai paluni. o mai angluno ta o mai paluno.#Is 41.4; 44.6; 48.12; Apo 1.17; Apo 1.8; 2.8.
14Blagosime gola kai jalaven pe patave, te sai jan katar o kas e zivotoko, ta te den katar o udar e foroko.#Jen 2.9; 3.22. 15Avri ka achen e bilache, ta sa gola kai cheren chirimate, gola kai cheren kurvaluko, gola kai mundaren, gola kai blagosin avere delen, ta sa gola kai si lenge drago te kojaven.
16Me o Jesus, bichaldem me suecho te phenel gala ezgode e khanllirenge. Me sem katar e vicha e Davideki, e patrin kai likisti katar o kas chindo. Me sem e cherain kai klichil thiarinako.#Is 11.1,10.
17O Santo Duo ta e rromi e Bakreki, phenen: ¡Aide! ta gua kai asunel, i vou te phenel: ¡Aide! a gua kai si trusalo, te avel te piel llabe katar o pai o llundo.#Is 55.1; Jn 4.10,14; 7.37.
18Sa tumenge kai asunen e alava katar e poroka kai si pisime ande gava lil, me phenav tumenge:
Vareko te thovela ios ezgode ande gava lil, o Del ka thovel pe lete sa e zatranie kai si pisime ando lil. 19A vareko te tromala te ikanel nesave alava katar gaia profesia kai si pisme ande gava lil, o Del ni ka mukel le te lel katar e septelie kai del o kas e zivotoko.#Dt 4.2; 12.32.
20Gua kai phenel gala ezgode, phenel:
Ea, avav oma.
Gia te avelpe. ¡Aide, Gazda Jesus!
21O Gazda o Jesus te del po volipe saurren. Gia te avelpe.
Currently Selected:
Apokalipsis 22: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
