Popular Bible Verses from Apokalipsis 21

Share

Ta o Del ka kosel sa lenge ausa, ta ni ka avel ios o meripe, ni o roipe, ni o kukipe, ni e duk, soke e purve ezgode nakhle.

Ondaka gua kai besela po trono phenda: Me cherav sa e ezgode neve. Ta i phenda: Pisisar, soke gala alava si chache ta chachune.

Ta asundem iek baro avazi kai avela katar o trono kai phenela: Kate si kai o Del zivil pe foroia. Ta o Del ka zivil lenchar, ta von ka aven leko foro, ta isto vou ka avel lengo edino Del.

Mapalal phenda mange: Cherdo si. Me sem e Alfa ta e omega, o mai anglal ta o mai palal. Ko si trusalo me ka dav le te piel llabe kotar katar likel o pai o llundo.

Gua kai ka dobil ka avel lenge dine sa gala ezgode; ta me ka avav leko Del ta vou ka avel mo chaurro.

A e darane, ta e llene kai ni pachan, ta e bilache, ta gola kai mundaren, gola kai cheren o kurvaluko, ta gola kai cheren e chirimate, gola kai blagosin avere delen ta sa e kojamne, ka aven kote kai phabol e iag ta o asufre, kai gua si o duito meripe.

Ondaka dikhlem iek miloso nevo ta iek phuv nevi, soke o purvo miloso ta e purvi phuv nakhle ta e mora ni saia ios.

Ta dikhlem o santo foro, e nevi Jerusalem kai fuliela katar o miloso e Devleko, lachardi sargo iek chei te zinilpe e chavea.

E foro ni trubul le o kham ni o chon te del le villelo, soke o villelo e Devleko si kai kletosarel le, ta o Bakro si leki lampara. Ta e phuvia kai ka aven braduime ka phiren ande leko villelo, ta e charura e phuvienge ka anen leke po barvalipe ta po liubao.