Apokalipsis 20
20
E milia burs
1Dikhlem iekhe suecho kai fuliela katar o miloso, ta anela o klucho katar e jar ta iek baro lancho ande leko va. 2Ta phangla e dragono, o sap o purano kai si o llavolo ta i o Satanas, ta phangla le e lanchoia milia burs.#Jen 3.1. 3Ta chudia le ande jar, ta phangla le ta thoda po sello upral pe lete te na kojavel ios e sueto lligo ni ka nakhen milia burs, ta mapalal katar gala ezgode morabi te avel mukliardo cherricha vreme.
4Ta dikhlem tronura, ta besle upral pe lende gola kai die len o gazdaripe te chinen kris. Ta i dikhlem e zivotura katar gola kai chinde lenge sore cheres e orba e chachi e Jesuseki ta cheres e orba e Devleki. Gola kai ni blagosisardea e azdava ni lake slika ta kai ni mukle te thoven e marka pe lengo chikat ta ni pe lenge va, ta pale zivisarde ta charoisarde e Kristoia milia burs.#Dn 7.9,22,27; Mt 19.28; Lk 22.30.#Apo 6.9; 20.4; 13.16-17; 14.9. 5A ogola mule ni zivisarde pale lligo ni nakhle e milia burs. Gava si o purvo llundipe. 6¡Blagosime ta santo gua kai ka ustel ando purvo llundipe! O purvo meripe ni gazdaril pe gala, soke von ka aven popura e Devleke ta e Kristoke, ta ka gazdarin lea milia burs.#Apo 1.6; 5.10.
7Kana ka nakhen e milia burs, o Satanas ka avel mukliardo katar po phandipe, 8ta ka llal te kojavel e phuvien kai si pe star riga e suetoke, kai o Gog ta kai o Magog, te chidel len te marenpe, ta von sea but sargo e chisai e moraki.#Ez 38.2,9,15. 9Ta llele pe sa e phuv, ta truisarde o pero katar o santo foro kai vou volil. Ta o Del cherda te fuliel iag katar o miloso ta phabarda len. 10Ta o llavolo, kai kojavela len, avilo chudino ande iag ta o asufre, isto kote kai saia e azdava ta o profeta kojamno. Kote ka aven patime ostade orachaia ta ollivesea.
O krisipe
11Ta dikhlem iek baro trono parno ta gole kai besela pe lete. Ta angla lete sumbisaile e phuv ta o miloso ta niko ni dikhla len ios. 12Ta dikhlem e mulen, bare ta minone pe porrne angla o Del; ta e lila avile putarde,#20.12 Ande gala lila sea pisime sa e ezgode kai cheren e manusa ande sa po zivoto. ta i aver lil avilo putardo kai si o lil e zivotoko,#20.12 Ande gava lil sea pisime sa e anava e llenenge kai ka aven braduime. ta avile krisime e mule pala e ezgode kai sea pisime ande lila prema so von cherde.#Sal 69.28; Apo 3.5.#Dn 7.9-10. 13Ta e mora irisarda e mulen kai sea ande late, ta i e charoina e merimaki irisarda e mulen kai sea ande late, ta suako lleno avilo krisime prema e ezgode kai cherda. 14Ta e charoina e merimaki avili chudini ande iag, gava si o duito meripe,#Mt 25.41; Apo 2.11; 21.8. 15ta ko ni saia pisime ando lil e zivotoko, avilo chudino ande iag.
Currently Selected:
Apokalipsis 20: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
