Salmos 91
91
O Del si o than kai gurudivav
1O lleno kai zivil uchardo katar o Del kai si ando miloso,
ka zivil tala e senka katar o Del
kai si le sa e zor.
2Ka phenav gia e Devleke:
Tu san o than kai gurudivav,
ta mo zido.
¡Mo Del kai ande tute uzdiu man!
3Vou ka kurtulil tut
katar e mreza gurudini
kai thovel gua kai istarel e zivirinie,
ta katar o nasualipe kai mundarel.
4Soke ka ucharel tut pe pakhenchar,
ta telal ni ka avel chuke niso.
¡Iek eskudo si leko chachipe!#Sal 17.8; 61.4.
5Ni ka avel chuke dar katar e ezgode
darane kai si ande riat
ni katar e llide kai chuden ollivesea,
6ni katar o nasualipe
kai avel ando truniariko,
ni katar e muke kai zatrin ollivesea,
7Ka meren milia pe chi rig stingo
ta des milie pe chi rig e chachi
a tute ni ka resen.
8Chachimaia tu ka dikhe che akhenchar
ta ka dikhe sar pochindol e bilachenge.
9Soke thodan e Devle, kai uzdi tut ande lete,
e Devle kai si ando miloso te avel sargo chi soba,
10ni ka avel pe tu ni iek bilachipe
ni o nasualipe ni ka avel pe cho cher,
11soke o Del ka bichalel pe suechonen
te arakhen tut kaigo te llaia.#Mt 4.6; Lk 4.10.
12Ka vazden tut pe vastenchar,
te na eskombal cho porrno pe ni iek barr.#Mt 4.6; Lk 4.11.
13Ka phire maskar e lionura ta e sapa,
ka ustave e liononen ta e sapen.#Lk 10.19.
14Me ka thovav le pe iek than lacho
te na resel lete ni iek bilachipe,
soke vou volil man ta pinllarel man.
15Kana ka ikharel man
me ka dav le anglal,
¡isto me ka avav lea!
Ka braduiv le katar e nuzda
ta ka blagosiv le zurale,
16ka cherav te zivil but burs ande veselia,
¡ta ka cherav te veselilpe ande mo braduipe!
Currently Selected:
Salmos 91: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
