Salmos 90
90
E zor e Devleki ta o kovlipe e manuseko
O molipe katar o Moises, manus e Devleko.
1Devla, tute gurudilam sa e bursenchar.
2Mai anglal te cherdon e burdura
ta mai anglal te avel e phuv ta o sueto,
sar kana saia o purvo vreme
ta kana ka avel o vreme mai angle, tu san o Del.
3Tu chere e manuse te irilpe kai o prajo
ta phene:
Irin tumen kai o prajo, manusalen.#Jen 3.19; Sal 104.29; Ekl 3.20; 12.7.
4Soke, milia burs, chuke si sargo arachi,
¡Sargo nesave saiata katar e riat!#2 P 3.8.
5Chirde e manusen silnomaia
sargo iek bari len,
von si sargo iek suno,
sargo e char kai bariol thiarinako.#Job 20.8.
6Von si sargo o zelenipe, kai bariol ta liken e lulunlla thiarinako,
a pasa e riat sukol ta merel.#Sal 37.2; Is 40.6-8.
7Chachimaia chi joli zatril amen,
¡ta ni llana so ka chera!
8Amaro bilachipe ta e ezgode kai chera
si angla tute.
9Chachimaia, sa amaro zivoto
avel kai po son pala chi joli,
amare burs nakhen sargo iek mislo.
10Eftavardes si e burs kai zivi,
e mai zurale resen llik kai e ojtovardes,
a mai but vreme katar amaro zivoto
si rado ta ezgode kai ni mol len niso.
¡E bursa nakhen oma, ta i amen!#Job 14.1; Ekl 2.23; 11.8.
11¿Ko pinllarel e zor katar chi joli?
¿Ko pinllarel cho silnope?
12Sikav amen te llina sukar amare bursa
te sai resen amare mislura kai o bizaipe.#Ef 5.15-16; Kol 4.5.
13¡Devla, irisao amende!
¿Gachin ios ka adurichara?
¡Te avel chuke zalba katar gala sluge chire!
14Pher amen katar cho volipe thiarinako,
ta sa amaro zivoto ka llilaba veselimaia.
15De amen bursa ande veselia
gia sar dian amen bursa ande zalba.
16¡Cher te dikhol ande che sluge e ezgode kai cherdan,
ta cho baripe te avel upral pe lenge chaurre!
17O volipe katar o Gazda amaro Del,
te avel upral pe amende.
¡De amen zor Devla pe amaro rado!
¡Ea, de amen zor pe amaro rado!
Currently Selected:
Salmos 90: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
