Salmos 92
92
Iek llilabipe kai blagosil
Llilabipe e sabadoke.
1Devla kai san ando miloso,
¡gia sukar si te dav tut fala
ta te blagosiv cho anav ande llilia!
2Te phenav thiarinako ta orachaia
katar cho volipe ta cho chachipe,
3ka cherav te basen e kuerde,
ka basalav poloke ande arpa
ta ando salterio.
4¡Ioi Devla!
¡tu veselisardan man
e ezgodenchar kai cherdan!
E ezgode kai cherdan che vastenchar
pheren man veselia.
5¡Ioi Devla!
¡Gia bare si e ezgode kai cherdan!
¡Gia gurudine si che mislura!#Sal 104.24.
6¡Samo e dile nasti acharen len
ta gola kai inai len bizaipe ni llanen so si!
7Te bariona e bilache ta e kochkaria
sargo e char, ta te barvaona,
gua si samo te aven zatrime ostade.#Sal 37.2,20.
8A tu, Devla, charoi ostade ando miloso.
9Iek ezgoda si chachi Devla:
kai che dusmanura ka aven zatrime,
kai sa gola kai cheren o bilachipe
ka aven rispime.
10A tu ka de man e zor sargo e guruveki
ta ka thove pe mande zeitino nevo.
11Ka dikhav sar peren me dusmanura,
¡ka asunav sar auchinpe gola llene bilache!
12E llene lache ka barion sargo e palmere
ka barion sargo e kasta ando Libano.
13Von ka aven thode
ande phuv katar o cher e Devleko,
ka barion ande bar amare Devleki.
14I ande po phuripe ka den septelie,
suako llive ka aven saste ta zelene
15ta ka phenen kai o Del arakhel amen
ta kai si chacho ta ni cherel o bangipe.
Currently Selected:
Salmos 92: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
