Popular Bible Verses from Salmos 91

Share

Ka phenav gia e Devleke: Tu san o than kai gurudivav, ta mo zido. ¡Mo Del kai ande tute uzdiu man!

O lleno kai zivil uchardo katar o Del kai si ando miloso, ka zivil tala e senka katar o Del kai si le sa e zor.

Kana ka ikharel man me ka dav le anglal, ¡isto me ka avav lea! Ka braduiv le katar e nuzda ta ka blagosiv le zurale

soke o Del ka bichalel pe suechonen te arakhen tut kaigo te llaia.

Soke ka ucharel tut pe pakhenchar, ta telal ni ka avel chuke niso. ¡Iek eskudo si leko chachipe!

Soke thodan e Devle, kai uzdi tut ande lete, e Devle kai si ando miloso te avel sargo chi soba, ni ka avel pe tu ni iek bilachipe ni o nasualipe ni ka avel pe cho cher

Vou ka kurtulil tut katar e mreza gurudini kai thovel gua kai istarel e zivirinie, ta katar o nasualipe kai mundarel.

Ka meren milia pe chi rig stingo ta des milie pe chi rig e chachi a tute ni ka resen.

Ni ka avel chuke dar katar e ezgode darane kai si ande riat ni katar e llide kai chuden ollivesea, ni katar o nasualipe kai avel ando truniariko, ni katar e muke kai zatrin ollivesea