Proverbios 2
2
Savo lachipe del o bizaipe
1Cher chire me alava, chaurrea,
guruv ande che mislura me zakonura.
2Thou sama po bizaipe,
thov che mislura ando llanglipe.
3Mang sa che liea
o bizaipe ta lacho mislo,
4thov sa chi zor te rode len,
sargo kana rode o rup
o iek barvalipe gurudino.
5Ondaka ka llane
so si te blagosi e Devle
¡ta ka llane so si te pinllare e Devle!
6Soke o vou del o bizaipe,
o llanglipe ta o sikadipe liken
katar e Devleko mui.
7O Del pomozil ta arakhel
golen kai zivin orta ta si tamam,
8arakhel golen kai zivin ando chachipe,
golen kai kanden le.
9Ta i ka llane so si orta ta chacho,
ta ka thove sama pe sa so si lacho,
10ta gia ka le o bizaipe
ta ka achare o guglipe katar o bizaipe.
11E mislura chache
ta o bizaipe ka arakhen tut,
12von ka ikanen tut katar o bilacho
drom ta katar e llene bilache,
13katar gola kai muken o lacho drom
ta phiren po drom o truniariko,
14gola kai lengi dragostia si te dukhaven
ta veselinpe kana cheren le,
15gola kai llan pe droma bange
ta durile katar o drom o orta.
16O bizaipe arakhel tut
katar avereki rromi,
goia kai ni pinllare
ta diliarel pe alavenchar#Pr 7.5.
17goia kai mukel pe manuse
katar lako ternipe
ta bristarelpe katar o alav kai dia e Devle.
18Te istare o drom
kai inllarel kai lako cher
si sargo te istare o drom
kai inllarel kai o meripe,
19gola kai den ande lako cher
nikada ni ka irinpe,
nikada ios ni ka phiren
po drom e zivotoko.
20Goleke, phir po lacho drom,
ta cher sar cheren e chache.
21Soke gola kai zivin orta ta tamam
ka zivin pe gaia phuv,
22a e bilache ta e kojamne
ka aven ikande ta chudine katar e phuv.#Sal 37.9.
Currently Selected:
Proverbios 2: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
