Popular Bible Verses from Proverbios 2

Share

Soke o vou del o bizaipe, o llanglipe ta o sikadipe liken katar e Devleko mui.

Cher chire me alava, chaurrea, guruv ande che mislura me zakonura. Thou sama po bizaipe, thov che mislura ando llanglipe. Mang sa che liea o bizaipe ta lacho mislo, thov sa chi zor te rode len, sargo kana rode o rup o iek barvalipe gurudino. Ondaka ka llane so si te blagosi e Devle ¡ta ka llane so si te pinllare e Devle!

O Del pomozil ta arakhel golen kai zivin orta ta si tamam, arakhel golen kai zivin ando chachipe, golen kai kanden le.

Soke gola kai zivin orta ta tamam ka zivin pe gaia phuv, a e bilache ta e kojamne ka aven ikande ta chudine katar e phuv.

O bizaipe arakhel tut katar avereki rromi, goia kai ni pinllare ta diliarel pe alavenchar goia kai mukel pe manuse katar lako ternipe ta bristarelpe katar o alav kai dia e Devle.