Proverbios 3
3
Sar te le o bizaipe
1Na bristar mo sikadipe, chaurrea,
guruv ande che mislura me zakonura,
2ta ka zivi but burs
ande veselia.
3Na muk nikada o volipe ta o chachipe,
inllar len tuia sargo iek sinlliri
pe chi korr.
Pisisar len ande cho lio,
4ta ka pomozil tut ta ka volil tut
o Del ta i e manusa.#Lk 2.52.
5Uzdisao sa che liea ando Del
ta na ande cho bizaipe.#Ro 12.16.
6Te avel o Del ande suako ezgoda
kai chere,
ta vou ka inllarel tut po drom o orta.
7Na istardo but bizai,
blagosisar e Devle
ta duriu katar o bilachipe:
8¡gua si o mai lacho drab
te avel zurali chi esnaga!
9Blagosisar e Devle che barvalimaia
ta e purve septelienchar kai chide,
10ta gia cho cher ni ka del ios
katar o jape ta o pipe.
11Thou sama chaurrea,
kana o Del sikavel,
ta na joliao kana del pe tute,#Job 5.17; Ebr 12.5-6.
12soke o Del ortol gole kai volil,
sargo iek dad kai ortol pe chaurre
kai mai volil.#Dt 8.5; 2 S 7.14; Pr 13.24; Ebr 12.5-6; Apo 3.19.
13Blagosime ko malavel o bizaipe,
gua lleno kai lel o llanglipe,
14soke mai mol len neko o rup
ta den mai but chari neko o sunakai.
15O bizaipe mol le mai but
neko e barra mai kuch,
¡ni sa so mai zelil o manus,
inai prema o bizaipe!
16Katar o va o chacho del tut zivoto,
a katar o stingo, barvalipe ta liubao.
17Te lla pala lete si but sukar,
te phire pe leke droma, ka zivi ande pas.
18O bizaipe si zivoto goleke kai lel le,
¡blagosime gola kai ni muken le!
19Bizaimaia ta llanglimaia,
o Del ziriarda o miloso ta e phuv,#Jen 1.1; 2.4b; Sal 136.5-6; Is 42.5.
20bizaimaia cherda te putaol e mora
ta katar e oblakura cherda te pechalpeke.#Jen 1.10; Job 28.25-27; Sal 136.6.
21Suako drom
cher e ezgode bizaimaia, chaurrea,
ta ande iek lacho mislo,
22soke lendar ka le o zivoto
ta ka aven chuke
sargo iek sinlliri pe chi korr.
23Ka uzdi tut kana ka phire po drom
ta nikada ni ka eskombal cho porrno.
24Kana ka ache te lelpe tutar o chiñipe
ni ka dara,
kana ka pere chuke, ka sove esmiro.#Sal 3.5; 4.8.
25Ni ka dara katar so daravel oma
ni katar e zatrania kai ka perel
pe bilache llene,
26soke ka uzdi tut ando Del
ta ni ka mukel te pere ando kojaipe.
27Na phen kai iok
kana sai chere iek sebapi
kote kai trubul,#Mt 5.42.
28na pomozisar thiara
te sai chereale allive.
29Na mislisao te chere o bilachipe
goleke kai uzdilpe ande tute.
30Na rode te mare tut nikaia,
kana niko ni dukhada tut.
31Na zelisar so si le o lleno bilacho
ta na rode te chere so cherel vou,
32soke o Del gadolpe katar e bilache,
a e chache si pasa le ta volil len.
33O Del proketil o cher katar o bilacho,
a blagosil o than kai zivil o chacho.
34O Del marel espurnia
katar gola kai maren espurnia,
a si posteno golenchar kai ni istardon.#Stg 4.6; 1 P 5.5.
35E llene bizai len o liubao,
a e dile si asunde soke inai len liubao.
Currently Selected:
Proverbios 3: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
