Proverbios 1
1
E alava bizai mol len but
1E orba katar o Salomon, chavo katar o David o charo katar o Israel,#1 R 4.32; Pr 10.1; 25.1. 2gala alava den amen:#Stg 1.5; 3.13-17.
bizaipe ta sikaven amen,
cheren amen te achara e alava chache,
3sikaven amen, den amen bizaipe,
chachipe, ortope, cheren te na pera,
4bizarel e ternen kai ni llanen but,
ta cherel len te llanen ta te mislinpe.
5O lleno kai llanel ta si bizai, asunel len,
ta gia lel mai but bizaipe ta sikol
6te acharel so phenen e bizai,
ta lenge alava, paramiche,
ta e alava kai trubul te apogodi len.
7Mai anglal te ave bizai trubul
te blagosi e Devle,
e dile ni kamen o bizaipe ta o sikadipe.#Job 28.28; Sal 111.10; Pr 9.10; 15.33.
Sikadipe e ternenge
8Chaurrea, asun che dade
kana sikavel tut
ta na muk o sikadipe che dadeko,
9soke ka dikhol sukar pe tute:
sargo iek sinlliri o iek korona.#Pr 6.20-21.
10Te mangena te kojaven tut e bilache,
¡na muk len, chaurrea!#Sal 1.1.
11Soke sai phenen chuke:
Aide amenchar,
te istara varesave llene lache kai nakhel
ta te mundara le.
12Te ja llunde e llenen lachen
gia sar o meripe jal e llenen
kai peren ando limori.
13Ka avel amen but barvalipe,
¡ka phera amaro cher
e ezgodenchar kai chordam!
14Aide bre, chi baj si amenchar,
te avel i chiro amaro barvalipe chidino.
15¡A phenav chuke chaurrea,
te na lla lenchar!
Duriu katar lenge bilache droma,
16soke sigaren te cheren o bilachipe,
¡sigaren te mundaren vareka!#Is 59.7; Ro 3.15.
17Soke samo gia thove iek kojaipe
e chiriklienge te istare len,
kana von sai dikhen le,
18gola llene thoven o kojaipe
isto von peke
ta thoven po zivoto po meripe.
19Gia si o son katar e llene jamllale,
isto lengi jamllia mundarel len.
O bizaipe ikharel
20Pe droma ta ando foro
o bizaipe urkil,
21phenel pe alava pe udara,
pe suako than kai chidiniaon e llene:#Pr 8.1-3.
22Terne, llene kai ni llanen,
gola kai maren espurnia ta e dile,
¿gachin ios ka avel tumenge drago
kai ni llanen,
ta ka avel tumenge dragostia
ande espurnia kai maren?
23Thoven sama so ka sikavav tumen
ta me ka perav tumen katar mo duo,
ka cherav te pinllaren me mislura
24Me diem tumen mui,
ikhardem tumen te aven
a tumen ni kamlen te thoven mange sama.
25Ni lien so sikavav tumen,
ni kamen te ortou len.
26¡I me ka asav pala tumare nuzde!
¡I me ka marav espurnia
kana ka meren daratar,
27kana ka peren pe tumende e dar
e nuzda ta e nevolia,
sargo iek balav kai zatril sa!
28Gua llive ka ikharen man a me
ni ka dav anglal,
ka roden man, a ni ka malaven man,
29soke ni thoden sama po bizaipe
ta ni kamen te blagosin e Devle.
30Nikamen te len mo sikadipe,
ni thoven sama pe so sikavav tumen.
31¡Goleke ka avel tumenge pochindo
prema so cherden!
¡Ka pherdon katar tumare nuzde!
32Soke e llene kai ni llanen
ka meren pala po billanglipe,
ta e dile ka aven zatrime
soke ni briginpe katar niso,
33a o lleno kai ka thovel mange sama,
ka zivil ande pas
ta ni ka daral katar niso.
Currently Selected:
Proverbios 1: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
