Isaias 55
55
O Del si leke zalba katar sa
1Sa gola kai si trusale, aven kai e paia,
a gola kai inai len love, aven, chinen ta jan.
Aven, chinen bilovenchar, mol ta thud.
2¿Soke jan tumare love ande so inai marrno,
ta trudintumen ande so ni chaliarel?
Asunen man ta thove mange sama
ta jan katar o lachipe,
ta ka veselintumen pala o glamno jape.#Jn 7.37; Apo 21.6; 22.17.
3Thoven sama ta asunen, ta aven mande,
asunen, ta ka zivin,
ta ka achav tumenchar pe iek alav ostade,
e sovlia volimake kai jalem e Davideke.#2 S 7.4-16; 23.5; 1 R 8.23-26; Ech 13.34.
4Me thodem le te dikhel o chachipe
e phuvienge, te avel gazda
ta te sikavel e foronen.
5Ka ikhare llenen ka ni pinllarea,
ta llenen kai ni pinllarde tut ka prasten tute,
pala o Gazda cho Del,
ta pala o Santo katar o Israel
kai blagosisarda tut.
6Rode e Devle kana sai malave le,
ikhar le kana si pase.
7Te mukel po drom o lleno kai ni pachal
ta o manus bilacho pe mislura bilache,
ta te irilpe kai o Gazda,
soke ka avel leke zalba letar
ta amaro Del ka del le baro prostipe.#Lm 3.40-42; Zak 1.3; Mal 3.7.
8Soke me mislura inai tumare mislura,
ni tumare droma inai murne droma,
gia phenda o Del.
9Gia sar si mai upre o miloso katar e phuv,
gia si me droma mai upre neko tumare droma,
ta me mislura neko tumare mislura.
10Soke gia sar perel katar o miloso o pai ta o iv
ta ni irinpe incha, ta perel upral pe phuv
ta cherel te bariol te zelenil
ta del simiche gole kai radil la,
ta del le o marrno te jal,#2 Kor 9.10.
11gia ka avel mo alav kai likel katar mo mui,
ni ka irilpe mande chucho,
ka cherel so me mangav
ta ka avel blagosime pe so bichaldem le.
12Soke veselimaia ka liken
ta ande pas ka irin tumen,
sa e burdura ka llilaben angla tumende,
ta sa e kasta katar o vos
ka maren ande palme.
13Po than katar e karrne ka barion e siprese,
ta po than katar e chiknite ka barion e arraiane,
ka bariarel o anav e Devleko
ka dikhol ostade ta ni ka avel ikando nikada.
Currently Selected:
Isaias 55: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
