Isaias 54
54
E Devleko volipe inai le son
1Veselisao tu kai nasti bianea,
tu kai nasti avena tut minone,
llilabe ta urkisar veselimatar
tu kai nikada ni sana po khamnipe,
soke mai but si e minone
katar goia kai achili korkorre,
neko katar goia kai si la rrom,
gia phenda o Del.#Gl 4.27.
2Buliar chi chara
ta e chitura katar che sobe, na estedi
bariar che chilodoria, ta mar che chile.
3Soke ka bulio pe rig e chachi
ta i pe rig stingo, ta cho porodoke
ka achen e phuvia,
ta ka zivin ande phuvia zatrime.
4Na dara, soke ka llene so te chere,
na lalla, soke ni ka kusen tut.
Ka bristare tut katar o lallao
kai nakhlan ande cho ternipe,
ta katar o lallao katar cho phivlipe
ni ka de tut golli ios.
5Soke cho rrom si gua kai cherda tut,
o Del kai si le sa e zor gia si leko anav,
ta cho Braduimari, o Santo katar o Israel,
Del katar sa e phuv kai ikharen le.
6Soke o Del ikharda tut sargo iekhe diskinia
kai mukle le ta kai si tristome lako lio,
ta sargo iek rromi kai muken la, cho Del phenda:
7Cherricha vreme ka mukav tut,
ta ka avel manga bari zalba tutar ta ka lav tut.
8Me sema cherricha joliariko
ta gurudem mo mui tutar,
a ostade ka avel mange zalba tutar,
gia phenda o Del cho Braduimari.#Sal 30.5; Is 60.10; Lm 3.31-33; Ez 16; Os 1—3.
9Soke mange ka avel sargo ande llivesa
katar o Noe, kana diem mo alav
kai nikada ios ni ka nakhel o pai pe phuv
isto gia diam mo alav
kai ni ka joliaivav pe tute
ta ni ka thovav chuke kasti.#Jen 9.8-17.
10Soke e burdura ka miskonpe,
ta e burdichura ka izdran,
a tutar ni ka duriol mi zalba,
ta ni mo alav katar mi pas ni ka phagav,
gia phenda o Del, gua kai si leke zalba tutar.#Jer 31.35-36; 32.40; Mk 13.31.
E nevi Jerusalem
11Iani, chiñi katar o bursin,
inai ko te del la zor
me ka thovav che zidura
upral pe barra lole ta pe safirura.
12Che penllerave ka cherav len
katar e barra kuch,
che udara katar e barra lole,
ta sa che zidura katar e barra kuch.#Apo 21.18-21.
13Ta sa che chaurren ka sikavel len o Del
ta ka bariol e pas katar che chaurre.#Jn 6.45.
14O chachipe ka dikhol sukar pe tute,
ni ka dara ios te gazdarin pe tute
ta e dar ka llaltar tutar ta
nikada ios ni ka avel pasa tute.
15Ko mangela te marelpe tuia,
me ni ka avav lea, ko ka mangel te marelpe tuia,
ka perel angla tute.
16Me cherdem e llene kai radil ando o sastri,
ka phurdel pe iag ta ikanel po alato te radil,
ta me cherdem gole kai zatril, te zatril.
17Ni iek ezgoda cherdi te marelpe manchar
ni ka llal lake sukar,
ta kogo dela orba bilachi tutar pe kris ka dosare le.
Gava si so mukla e slugenge katar o Del,
ta lengo braduipe ka avel mandar,
gia phenda le o Del.
Currently Selected:
Isaias 54: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
