Popular Bible Verses from Isaias 55

Share

Soke me mislura inai tumare mislura, ni tumare droma inai murne droma, gia phenda o Del.

Gia sar si mai upre o miloso katar e phuv, gia si me droma mai upre neko tumare droma, ta me mislura neko tumare mislura.

Rode e Devle kana sai malave le, ikhar le kana si pase.

Te mukel po drom o lleno kai ni pachal ta o manus bilacho pe mislura bilache, ta te irilpe kai o Gazda, soke ka avel leke zalba letar ta amaro Del ka del le baro prostipe.

Sa gola kai si trusale, aven kai e paia, a gola kai inai len love, aven, chinen ta jan. Aven, chinen bilovenchar, mol ta thud.

Soke gia sar perel katar o miloso o pai ta o iv ta ni irinpe incha, ta perel upral pe phuv ta cherel te bariol te zelenil ta del simiche gole kai radil la, ta del le o marrno te jal, gia ka avel mo alav kai likel katar mo mui, ni ka irilpe mande chucho, ka cherel so me mangav ta ka avel blagosime pe so bichaldem le.

Soke veselimaia ka liken ta ande pas ka irin tumen, sa e burdura ka llilaben angla tumende, ta sa e kasta katar o vos ka maren ande palme.

Thoven sama ta asunen, ta aven mande, asunen, ta ka zivin, ta ka achav tumenchar pe iek alav ostade, e sovlia volimake kai jalem e Davideke.