Isaias 56
56
O chari kai ka len gola kai ni phagle e sovel
1Gia phenda o Del:
Llan orta
ta cheren o chachipe,
soke pase si mo braduipe kai si te avel,
ta te sikadol mo chachipe.
2Blagosime o lleno kai cherel gaia ezgoda
ta o manus kai lipil la pe pete,
kai guruvel o sabado te na makhel le,
ta arakhelpe te na cherel nisavo bilachipe.#Ek 20.8-11; Is 58.13-14; Jer 17.19-27.
3Ta o lleno katar aver phuv
kai llal pala o Del te na phenel gia:
O Del thoda man dur te na avav pasa leko foro.
Ta te na phenel o eunuko:
Me sem iek kas suko.
4Soke gia phenda o Del:
E eunukura kai
ka avel len liubao pe me sabadura,
ta te esvirisarde so me mangav
ta te na mukle o alav kai diem,
5me ka dav len iek than ande mo cher
ta ande me zidura ta ka aven mai glamne
neko chave ta chea,
ka dav len iek anav ostade
kai nikada ni ka ikanen le.
6Ta e chaurre katar e llene avere phuvia
kai ka llan pala o Del te kanden le
ta kai ka volin o anav e Devleko te aven leke sluge,
sa gola kai ka guruven o sabado ta ni phagen le,
ta te na mukle o alav kai diem,
7me ka inllarav len kai mo santo burdo,
ta ka veseliu len ande mo cher e molimako,
lenge kurbanura kai phabardon
ta lenge kurbanura, ka lav len
po altar,
soke mo cher ka avel ikhardo
cher e molimako sa e phuvienge.
8O Del o Gazda phenel, gua kai chidel
e llenen rispime katar o Israel:
Ta i ka chidav averen pe gola kai si chidine.#Is 60.1-14.
So ni cherde sukar e bilache gazda
9Sa e zivirinie katar e umal,
sa e zivirinie dive katar o vos, aven te jan.
10Lenge llene kai prezon si korre,
ni llanen niso, saurre si llukela nemave,
nasti basen, lindrale inzon,
but drago lenge te soven,
11ta gola llukela kai drago lenge te jan
nikada ni chalion,
ta isto e chobanura ni llanen te acharen,
saurre llan pe piro drom,
suako iek rodel so si lacho leke,
suako iek llal pe pi rig.#Ez 34.2.
12Von phenen:
Aven te pia amenge mol,
mativa e rachiaia, ta thiara ka avel sargo allive
ta ios man sukar.
Currently Selected:
Isaias 56: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
