PHUNGTHLUKBIA 26
26
1Ṭhal caan i hawhra bantuk le
rawlṭuan caan i ruah bantukin,
upatnak cu mihrut caah cun aa tlak lo.
2Hram ngei loin chimmi chiatserhnak
cu, aa chawk lengmangmi pithlung
bantuk le a zuang lengmangmi
vanva bantuk a si,
chiatserhmi kha a futhnawh kho lo.
3Tuknak fung cu rang caah a si,
chak cu laa caah a si, fungfek cu
mihrut keng caah a si.
4Mihrut cu a hruhning in let hlah,
amah bantuk na si ve sual lai.
5Mihrut cu a hruhnak nih hmuh
awkah aa tlakning in let tuah,
cu ti a si lo ahcun, ka fim tiah
aa ruat sual lai.
6Mihrut kha lamkal a fialtu cu
amah ke aa tanmi bantuk a si,
harnak kha aa sawm a si ko.
7Phungthluk bia cu mihrut kaa
chungah cun,
kebeimi ke aa thlai sawhsawh
bantukin aa thlai sawhsawh ko.
8Mihrut kha upatnak pek cu,
chai i lungpum tete ṭem chih
bantuk khi a si ko.
9Mihrut nih phungthluk bia a vun lak i
a chim ve cu,
Zuri nih a kut i a chuntu hling coih
aa zuam bantuk khi a si.
10Mihrut siseh, zuri siseh, rianṭuan ah
aa sawmmi cu,
A rami paoh a rak kap tawntu thalkah
thiam bantuk a si.
11A hruhnak a nolh ṭhan lengmangmi
mihrut cu,
A luak a kirhnawh ṭhantu uico
bantuk a si.
12Amah aa hmuhnak ah ka fim
aa timi nakcun,
mihrut caah ruahchannak a um deuh.
13Mithathu cu zeicahdah a inn in chuah
a duh lo? Zeidah a ṭihmi an si?
Chiandeih an si maw?
14Innka nih a kapza ah
aa mer lengmang bantukin
mithathu zong a ihkhun cungah
aa let lengmang ve.
15Mithathu nih cun a kut kha
kheng chungah a hnim, a kaa i
hun i tuh zong kha a zuam lo.
16Fim tein bia lehnak a chim khomi
minung pasarih nakin,
Mithathu cu amah aa ruahnak ahcun
a fim deuh.
17Aa thlak ve awk a si lomi siknak ah
aa thlakmi cu
a kal liomi uico a hnakhaw in
a tlaimi bantuk a si.
18-19Mi kha a hleng i, “Kan capo
ko hen cu,” a timi cu,
mei alh tom le thal le thihnak
hriamnam hna he lente aa celhmi
mimolh bantuk a si.
20Thing a um lo ahcun mei cu a mit,
a thli tein a chim depmaptu um lonak
hmun ah cun siknak a dai.
21Meihol cu meiṭil a vaamtertu le
thing cu mei a nuntertu a si bantukin,
Hnahnawhnak chuahtertu cu
rem lonak mei kautu a si.
22Din tein bia a chim depmaptu bia cu
rawl thaw bantuk a si,
pum chung chungchin ah khan
a lut kho.
23Hmurka thlum i lungthin ṭha
ṭung lo cu,
tlak-um cung i nalhmi
sinal bantuk a si.
24Na ral nih cun a kaa cun na
thangṭhatnak a chim ko lai.
sihmanhsehlaw a lung chung cun
hlennak aa pawi.
25Cu pa nih cun, ṭha ngaiin bia
a chim tikah zum hlah,
zeicahtiah a lung chungah cun
fihnungmi thil pasarih an um.
26A lung chung i huatnak a ummi cu
hlennak in a thup lai nain
a ṭhat lonak cu zapi pumhnak ah
a lang lai.
27Midang tlaknak caah khor a comi cu
cuka ah cun amah a tla lai.
Midang nenhnak caah lung a hriltu cu
lung nih cun amah cu a nenh lai.
28Lihchim hmangmi lei nih cun
a sual lomi kha
a sual a lawhter hna,
Nalbia nih cun rawhralnak lawng kha
a chuahpi.
Currently Selected:
PHUNGTHLUKBIA 26: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
