Popular Bible Verses from PHUNGTHLUKBIA 26

Share

Mihrut cu a hruhning in let hlah, amah bantuk na si ve sual lai. Mihrut cu a hruhnak nih hmuh awkah aa tlakning in let tuah, cu ti a si lo ahcun, ka fim tiah aa ruat sual lai.

A hruhnak a nolh ṭhan lengmangmi mihrut cu, A luak a kirhnawh ṭhantu uico bantuk a si.

Thing a um lo ahcun mei cu a mit, a thli tein a chim depmaptu um lonak hmun ah cun siknak a dai.

Midang tlaknak caah khor a comi cu cuka ah cun amah a tla lai. Midang nenhnak caah lung a hriltu cu lung nih cun amah cu a nenh lai.

Amah aa hmuhnak ah ka fim aa timi nakcun, mihrut caah ruahchannak a um deuh.

Aa thlak ve awk a si lomi siknak ah aa thlakmi cu a kal liomi uico a hnakhaw in a tlaimi bantuk a si.