PHUNGTHLUKBIA 11
11
1Cuai deu a hmangmi cu Bawipa nih a huat hna,
sihmanhsehlaw tahnak khing
ahmaanmi cu a lawmhmi a si.
2Aa porhlawmi nih cun
mi nihsawhnak
tuan ah an hmuh lai.
Cucaah mi toidorte i um a ṭha deuh.
3Miding cu an dinnak nih a hruai hna,
sihmanhsehlaw mihrokhrawl cu an
hrokhrawlnak nih a hrawh hna.
4Thihnak nih aan phak ni
ah cun rumnak hi a ṭhahnem lo,
sihmanhsehlaw dinnak cu thihnak
chungin michuahtu a si.
5Miṭha cu a dinnak nih khan
a lam kha a fawiter,
sihmanhsehlaw miṭhalo cu amah
ṭhat lonak nih khan a tlukter.
6Dinnak nih miding cu a chuah hna,
sihmanhsehlaw mirawi hmang cu
anmah duhfahnak lila ah khan
an i foih
7Miṭhalo cu a thih tikah aa ruahchanmi
vialte cu amah sinah khan an lo,
rumnak i bochan cu zeihmanh
a ṭhahnem lo.
8Miding cu harnak chungin chuah a si,
sihmanhsehlaw miṭhalo cu
cu chungah cun
a paih in an i paih.
9Pathian zei ah a rel lomi hna
an bia nih mi kha
a hrawh tawn hna,
sihmanhsehlaw miding hna
fimnak nih cun a khamh hna.
10Miding hna huncho tikah khua cu
aa lawm,
miṭhalo hna an thih tikah lawmhnak
au thawng a um.
11Miding hna an um thawngin khua cu
a lianngan,
sihmanhsehlaw miṭhalo hna bia nih
khua cu a hrawh tawn.
12A innpa a zawmhtaihmi cu
mihrut a si,
sihmanhsehlaw hngalhthiamnak
a ngeimi cu dai tein
a um tawn.
13Aa chawk lengmangmi mihmursau
cu biathli phuan hmangmi an si,
sihmanhsehlaw zumh awk tlak a simi
nih cun thil kha a lung chungah
a thuh hna.
14Hruainak a um lo tikah miphun kha
an tlu tawn,
sihmanhsehlaw fimchimtu
tamnak hmun ah cun
himnak kha a um.
15Na hngalh lomipa kha
a leiba champiak
awkah bia naa kam ahcun
na lungre a thei lai,
naa tel lo ahcun na caah
a ṭha deuh lai.
16Vel a thiammi nu cu hmaizahnak
a hmu,
sihmanhsehlaw ziaza a thiang lomi cu
ningzahnak a si.
Chawlehnak le chawhrawlnak ah
na ral a chiat ahcun awkhlawh
na si ko lai,
na ral a ṭhat ahcun na rum ko lai.
17Zaangfah a thiammi na si tikah
nangmah le nangmah
ṭhatnak naa pek a si,
cun na puar ahcun nangmah le
nangmah harnak naa pe ko.
18Miṭhalo nih ahmaan loin miaknak
a hmuh tawn,
ṭhatnak a tuhtu nih cun laksawng
taktak cu a hmuh lai.
19Dinnak tuah awk aa rialchih
pengmi cu a nung lai,
sihmanhsehlaw dinlonak tuah
aa sehchih pengmi cu a thi lai.
20Lungthin ṭhalo a ngeimi cu
Bawipa nih a huat hna,
sihmanhsehlaw dinnak a tuahmi cu
a lawmh hna.
21Hnadai tein um ko, miṭhalo cu
dantatnak hmu loin a um lai lo,
sihmanhsehlaw miding hna le
an tefa hna cu an luat lai.
22Aa dawh ngai nain ruah thiamnak
a ngei lomi nu cu
vok hnar sui tumbul tonh bantuk a si.
23Miṭha duhnak cu ṭhatnak ah
a chuak tawn,
sihmanhsehlaw miṭhalo nih
an duhmi kha an hmuh tikah
mi vialte an thin a hung dih.
24Mi pakhatkhat nih siang tein a ṭhenh
lengmang hna i a rum chin,
a dang pakhat nih tinsih in a um i
herhbaunak lawng kha aa miak ko.
25Nun va siang law na rum lai,
midang kha
va bawm hna law
an in bawmh ve lai.
26A rawl kha zuar a siang lomi cu
mi nih chiat an serh,
sihmanhsehlaw zuar a siangmi cu
mi nih thluachuahnak an pek.
27Naa tinhmi kha an ṭhat ahcun
hmaizahnak na hmuh lai,
Sihmanhsehlaw hnahnawhnak kha
na kawl ahcun na hmuhmi cu
cucu a si ko lai.
28A rumnak kha aa bochanmi cu
a ṭil lai,
sihmanhsehlaw miding cu thinghnah
hring bantukin an hninghno lai.
29Amah innchungkhar cungah harnak
a tluntermi cu a donghnak ah cun
zeihmanh a ngei lai lo,
mihrut cu mifim hna sinum an si
zungzal lai.
30Dinnak theitlai cu nunnak thingkung
a si,
sihmanhsehlaw zaang-ennak cu
nunnak thah kha a si.
31Miding hna nih vawlei cungah hin
an hmuh awk hnga kha
an hmuh ahcun
miṭhalo hna le misual hna nih cun
zeitluk in dah an hmuh chinchin lai. #1Pet 4.18
Currently Selected:
PHUNGTHLUKBIA 11: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
