Popular Bible Verses from PHUNGTHLUKBIA 11

Share

Nun va siang law na rum lai, midang kha va bawm hna law an in bawmh ve lai.

Mi pakhatkhat nih siang tein a ṭhenh lengmang hna i a rum chin, a dang pakhat nih tinsih in a um i herhbaunak lawng kha aa miak ko.

Aa porhlawmi nih cun mi nihsawhnak tuan ah an hmuh lai. Cucaah mi toidorte i um a ṭha deuh.

Hruainak a um lo tikah miphun kha an tlu tawn, sihmanhsehlaw fimchimtu tamnak hmun ah cun himnak kha a um.

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

Aa chawk lengmangmi mihmursau cu biathli phuan hmangmi an si, sihmanhsehlaw zumh awk tlak a simi nih cun thil kha a lung chungah a thuh hna.

Zaangfah a thiammi na si tikah nangmah le nangmah ṭhatnak naa pek a si, cun na puar ahcun nangmah le nangmah harnak naa pe ko.

A rumnak kha aa bochanmi cu a ṭil lai, sihmanhsehlaw miding cu thinghnah hring bantukin an hninghno lai.

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

Miding cu an dinnak nih a hruai hna, sihmanhsehlaw mihrokhrawl cu an hrokhrawlnak nih a hrawh hna.

Aa dawh ngai nain ruah thiamnak a ngei lomi nu cu vok hnar sui tumbul tonh bantuk a si.

Cuai deu a hmangmi cu BAWIPA nih a huat hna, sihmanhsehlaw tahnak khing ahmaanmi cu a lawmhmi a si.