2 Wakorinte 5
5
1Amuno twamanya kuno ing'anda yoo yino twikala mwenemo—iyamuwili munsi moo—ndiyamongolwa, Leza alitupa ing'anda yamwiyulu amuno tuwakwikala, ing'anda yino wazenga nalwakwe, ing'anda yamuyayaya. 2Achaleka kanonzi tukulweta, amuno tukulondesya ukuti ing'anda yino twazenjelwa mwiyulu ilale yawa ayitu lyankani. 3Amuno nditwiza twazwikwa ning'andanye yoo, tutalizanwa chintakwa. 4Pano tuchili tuli mung'anda yoo iyamunsi tukalweta mbali nukung'wamilwa; lelo asi amuno tukulonda ukufuma mung'anda yamuwili wamunsi, ukuwa amuno tukulonda ing'anda yino twazenjelwa mwiyulu iyonjelezwe kwakwe sweswe, alyakuti chino chikafwa chimilulwe nuwumi. 5Wino watuyanizya ichintunye choo we Leza, wino watupile Umuzimu wakwe wuno watukolelela watupanichisizya vyonsi vino watuchitila.
6Achaleka penye tukawa ninsimpo. Twamanya kuno ponsinye pane tukwikala mung'anda yamuwili woo atutela tuli ukutali nakaya kakwe Leza. 7Amuno muwurm witu tukasuwila vino visiloleka naminso. 8Tuli ninsimpo, chino tukalondesya nkaninye ukusya ing'anda zitu izyamuwili woo alyakuti tukikalange nu Leza kuno akakwikala. 9Ukuwa kweni, ukulusye vyonsi, tukalonda ukusechelesya Imfumu, pano tuli kumwitu koo pamwi koko. 10Amuno swensinye tuliloleka paminso yakwe Klistu, ukuti akatupanzye. Wila muntu alipochelela chino wazipila, ukulingana nimilimo yakwe, imizima pamwi imiwipe, yino wachita muwumi wakwe.
Ukukundana nu Leza mwakwe Klistu
11Ichakutina Imfumu twachimanya, achaleka tukachinchizya awantu. Leza watumanyichisya, achino nkusuwila ukuti namwenye mumyezo yinu mwamanya vinondi. 12Tusinakulonda ukuyiwanzya kwakwe mwemwe swinya; ukuwa kweni, tukulonda ukuwalanjizya umwata wuzima uwakuti muwayilumvya muno asweswe, alyakuti muwe nilango lyakutolelela wano wakayitumivzya kumilolechele yawuntu, nanti kuyitumvizya kumyata yakwe. 13Wuzye twapena vwile? Ukuwa ye amuno we Leza. Wuzye pamwi swewamano? Fwandi ye amuno amwemwe. 14Tukapanzwa nulukundo lwakwe Leza luno watukunda, kanonzi vino twamanya kuno umuntu wenga awino wafwizile awantu wonsi, fwandi awantu wonsi wali mufwa yakwe. 15Wafwizile awantu wonsi alyakuti wonsi wano wachili nuwumi watize swinya wayikalile, nkandi mwakwe wino wafwile swinya azyulupulwa muno woliwo.
16Achaleka fwandi kanonzi, tutandi tuwapanzya wumwi kumiwele yakwe iyakumuwili. Chingatenga kali twapanzizye Klistu kumiwele yawuntu, kanonzi twaleka ukuchita wowonye. 17Ndi umuntu wumwi wayisanzya kwe Klistu atela wawa achelewulwa chipya; uwuntu wukali awutela wasila, wawa achelewulwa chipya. 18Vyonsinye vyoo we Leza wachita, wino watufumya kuwulwani twawa swewakwe muno we Klistu, watupa numulimo wakuti naswe tuleke wanji wawe awakwe. 19Achaleka tukawizizya muno Leza walesile awantu wonsi awawa awakwe mwakwe Klistu. Leza nanti kuwalika iviwipe vyawo vino wamuchitila, ukuwa watupa amazwi yakunena wanji kuno awakwe.
20Nakanonzi swe-waa, tukuvwanjila Klistu, ngati Leza akawalambilizizya mwakwe sweswe: muno we Klistu, tukuwalambilizya, lekani Leza awafumye kuwulwani muwe mweviwuza vyakwe! 21Klistu atalinji nuluwembu, ukuwa muno asweswe Leza waleka wasenda uluwembu lwitu alyakuti Leza atulungamike apaliponga nu Klistu.
Currently Selected:
2 Wakorinte 5: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
