Popular Bible Verses from 2 Wakorinte 5

Share

Ndi umuntu wumwi wayisanzya kwe Klistu atela wawa achelewulwa chipya; uwuntu wukali awutela wasila, wawa achelewulwa chipya.

Klistu atalinji nuluwembu, ukuwa muno asweswe Leza waleka wasenda uluwembu lwitu alyakuti Leza atulungamike apaliponga nu Klistu.

Amuno muwurm witu tukasuwila vino visiloleka naminso.

Vyo­nsinye vyoo we Leza wachita, wino watufumya kuwulwani twawa swewa­kwe muno we Klistu, watupa numu­limo wakuti naswe tuleke wanji wawe awakwe. Achaleka tukawizizya muno Leza walesile awantu wonsi awawa awakwe mwakwe Klistu. Leza nanti kuwalika iviwipe vyawo vino wamuchitila, ukuwa watupa amazwi yaku­nena wanji kuno awakwe.

Nakanonzi swe-waa, tukuvwanjila Klistu, ngati Leza akawalambilizizya mwakwe sweswe: muno we Klistu, tukuwalambilizya, lekani Leza awa­fumye kuwulwani muwe mweviwuza vyakwe!

Wafwizile awantu wonsi alyakuti wonsi wano wachili nuwumi watize swinya wayikalile, nkandi mwakwe wino wafwile swinya azyulupulwa muno woliwo. Achaleka fwandi kanonzi, tutandi tuwapanzya wumwi kumiwele yakwe iyakumuwili. Chingatenga kali twa­panzizye Klistu kumiwele yawuntu, kanonzi twaleka ukuchita wowonye.

Tuka­panzwa nulukundo lwakwe Leza luno watukunda, kanonzi vino twamanya kuno umuntu wenga awino wafwizile awantu wonsi, fwandi awantu wonsi wali mufwa yakwe.