SASUWANG 2

I Musa nipahinding

1Su tempo e'e singkatau ko ese bou hintou ngi Lewi, nukawing bou hintou e'e l᷊ai. 2#Wuk. 7:20; Ibr. 11:23Bou e'e kowawine e'e nahinding u singkatau ana ko ese. Saritau i sie nakawua rario e'e masidada kahingang, inau niwunie tilu wul᷊ang l᷊iwuenge. 3Kateho rario e'e tawe nikawunie mal᷊iwue. Kuteu i mamange nangal᷊a simbau karanjang bou ruku gelagah dang nilapisange dingang u teri tadeau kumbahang kasukang u ake. Rario e'e nipal᷊al᷊okae su l᷊al᷊ung karanjang bou e'e niwawae sarang sal᷊uhi Nil dang nipiloe su tal᷊oara u ghopol᷊i u gelagah su wiwihi sal᷊uhi e'e. 4Tuhange kowawine rario e'e kararisi dio maghea bou e'e tadeau mutuhung apa ko sarung mariadi su tuaringe.

5Tintal᷊a e'e nasongote sangiang u ratu. I sie nul᷊umintu nundeno su sal᷊uhi, arawe manga mutatangkiange kal᷊al᷊enge su wiwihi u sal᷊uhi. Singkahuwi u sangiang ratu e'e nakawua karanjang e'e su tal᷊oara u ghopol᷊i u gelagah, bou e'e i sie nuparenta singkatau l᷊ang kowawine pangal᷊a. 6Su tempo sangiang ratu namuka karanjang e'e, nikawuae pia rario su l᷊al᷊unge, dang rario e'e kasangie. Sangiang ratu e'e nukumindaghi si sie dang nangul᷊i, “I'i ana u tau Ibrani.”

7Bou e'e tuhang u rario e'e nukina su sangiang u ratu, “Botonge wawu sangiang daku reakeng u singkatau i mama tau Ibrani guna ngu mupasusu rario e'e?”

8“Botonge,” sangiang ratu nusumimbahi. Inau natamaite ana mahua e'e nukui si mamange sisane. 9Angkung i sangiang ratu si mama ngu rario e'e, “Wawako rario i'i, dang onggol᷊eko susu i sie guna ngu ia; i mama hindo daku waehang.” Inau niwawae rario e'e dang nipasusue. 10#Wuk. 7:21Tempo ngu rario e'e seng kal᷊al᷊aboe, i mamange nanarakang i sie su sangiang e'e. Bou e'e sangiang u ratu nukoa rario e'e kere ana ko niaku. “I sie daku onggol᷊ang u arenge i Musa, #2:10: i Musa: Areng i'i tingihie kere didato ngu Ibrani mangal᷊enge “muhengke sarang l᷊ikuri”. watu i sie daku nial᷊a bou ake,” angkung i sangiang ratu.

I Musa nutumal᷊ang sarang Midian

11 # Ibr. 11:24 # Wuk. 7:23-28 Su tempo ngi Musa seng natilang, i sie natamai musombang u manga taumata singkawanuae. I sie mutuhung kirapa i sire nisihasa puhal᷊i hal᷊i ko mababuha. Nikawuae l᷊ai singkatau tau Mesir namate singkatau tau Ibrani. 12I Musa nutuhung tamai-mai dang saritau i sie nakawua takoae ko katuhunge si sie, nipate'e tau Mesir e'e bou e'e badange nil᷊ubinge su nei. 13Ndai mal᷊ou i Musa sau natamai, bou e'e nikawuae dua ngkatau taumata ngu Ibrani natarang kapukakokange. “Nakurawe i kau nangoka ghawe ngu?” i Musa nukina su taumata ko nunsal᷊a e'e.

14Taumata e'e nusumimbahi, “I sai nuhengke si kau makoa tumbonange l᷊au u mul᷊ahukung i kami? Apa i kau mo mamate l᷊ai si sia, kere taumata ngu Mesir ko nipate ngu e'e?” Bou e'e i Musa nataku dang nusipiri, “Silaka! Kakanoaku e'e seng nikatitonang.” 15-16#Wuk. 7:29; Ibr. 11:27 Su tempo ngu ratu nakaringihi hal᷊i e'e, i sie nundea akal᷊i tadeau mamate si Musa. Kateho i Musa nutumal᷊ang bou e'e natana su wanua ngu Midian.

Imam bou Midian, ko arenge i Yitro, pia pitu anae kowawine. Pia silou su tempo ngi Musa kakangiang masandighi u simbau pahighi, nasongote i sire pitu ngkatau ana mahua ngi Yitro e'e nangal᷊a ake dang nutaho u tampa inung ghapang u kambing l᷊au domba ngi papa ngi sire. 17Kateho pirangkatau mul᷊al᷊ukari domba e'e nanguseri manga ana ko mahua e'e. Bou e'e i Musa nusumongo nutul᷊ung si sire dang nupanginung u binatang i sire. 18Su tempo ngi sire napul᷊e, papa ngi sire nukina, “Nakurawe i kumu napul᷊e naehong kahingang si l᷊ou i'i?”

19I sire nusumimbahi, “Pia singkatau tau Mesir ko nutul᷊ung si kami bou sasal᷊uka manga mul᷊al᷊ukari ko wal᷊inge. I sie katewe mborong nanimba ake guna ngi kami, dang nupanginung binatang i kite.”

20“Su apa i sie orasi i'i?” i Yitro nukina su manga anae. “Nakurawe i kumu nanintang u taumata e'e? Dakote noti i sie kumang singkahindo dingang i kite.”

21I Musa mo matana su se'e. Boe e'e i Yitro nupukawing u anae ko arenge i Zipora dingang i Musa. 22I Zipora nahinding u ana singkatau ko ese. Anae nisigho arenge i Gersom, #2:22: i Gersom: Areng i'i tingihie kere didato ngu Ibrani mangal᷊enge “tau raghi”.watu'u i Musa nusipiri, “Ia singkatau raghi su si'i.” 23Manga pira taung bou e'e, ratu ngu Mesir napul᷊e asal᷊ie. Kateho bangsa Israel mborong mukahioro watu'u i sire niputahul᷊ang, hakiu i sire nukahioro mundo tul᷊ung. Kahioro si sire nurating u Mawu Ruata. 24#Kar. 15:13-14 Mawu Ruata nakaringihi i sire, dang I Sie nakatinaung diandi-Nge dingang i Abraham, i Ishak l᷊au i Yakub. 25I Sie nakawua manga taumata ngu Israel niputahul᷊ang, inau I Sie namutusi tadeau mutul᷊ung i sire.#2:25: mutul᷊ung i sire: tumuhu simbau salenang ko tuwei mangul᷊i watangeng si sire.

Currently Selected:

SASUWANG 2: PLT

Highlight

Copy

Compare