SASUWANG 1
1
Manga taumata ngu Israel nisira su Mesir
1 #
Kar. 46:8-27
I Yakub ko isigho l᷊ai i Israel, tamai nakoa sarang Mesir dingang u manga anae l᷊au u wal᷊agheng i sire simbau-simbau. Manga ana i Yakub e'e ko:
2I Ruben
I Simeon
I Lewi
I Yehuda
3I Isakhar
I Zebulon
I Benyamin
4I Dan
I Naftali
I Gad
I Asyer.
5Hintou ngi Yakub e'e kaul᷊ie pitumpul᷊o su kataunge. I Yusuf seng lebe horo ene su Mesir. 6Pira ngkatempo tuhue i Yusuf l᷊au u manga ana u simbaue napul᷊e asal᷊ie, kere'e l᷊ai manga taumata singkahindo dingange. 7#Wuk. 7:17Kateho hintou ngi sire, ko manga tau Israel, nuhana nupung tumaniu maul᷊i dang ul᷊i i sire natamba dingang maehong kahingang, hakiu wanua Mesir napene kere i sire.
8 #
Wuk. 7:18 Kasamuriange singkatau ratu ko wuhu ko wugha ngi Yusuf nanita nuparenta su Mesir. 9I sie nangul᷊i su kawanuange, “Manga taumata ngu Israel e'e sal᷊a makatataku si kite, watu i sire tumaniu maul᷊i l᷊au lebe matoghasi bo i kite. 10#Wuk. 7:19Boko mariadi parang, pia sarung mariadi i sire mutatamba dingang u roka i kite tadeau mundoka si kite, bou e'e tumal᷊ang manintang #1:10: Tumal᷊ang manintang arako mangawasa. u soa i'i. I kite mambeng mudea l᷊al᷊eng tadeau i sire kumbahang makoa maul᷊i.” 11Kuteu manga taumata ngu Mesir nuhengke manga mudadiaga su bangsa Israel guna ngu mupakabuha u wiahi sire dingang u hal᷊i ko mabuha. I sire nisihasa nupararisi guna ngu ratu Mesir, manga soa ngu Pitom l᷊au Raamses guna ngu tampa pundesonang u sal᷊iumpuhi. 12Kateho manamba umpisang u tau Mesir, kasaunge natamba ul᷊ie taumata ngu Israel dang kasaunge nakeke i sire su patiku soa e'e, hakiu tau Mesir i sire nakapundang pia katataku. 13Bou e'e kere kahasange i sire nangumpisi taumata ngu Israel, 14dang nukoa wiahi sire nasingsara. Takoae kakindaghie i sire nisihasa puhal᷊i mababuha su manga hal᷊i u pul᷊ahal᷊ikang dang su manga anseri.
15Bou e'e ratu ngu Mesir nangonggo parenta si Sifra l᷊au si Pua, dua ngkatau biang ko mutul᷊ung manga kowawine ngu Ibrani mahinding. 16Angkung i ratu ngu Mesir, “Su tempo ngu i kumu mutul᷊ung manga kowawine ngu Ibrani mahinding, tinaungeko i'i: bou anae ko nipahinding ko ese; pateko i sire! Bou anae ko nipahinding e'e kowawine walate i sie wiahi.” 17Kateho biang darua e'e taumata ko mataku su Mawu Ruata. I sire tawe mo mundaringihi parenta ngu ratu dang nupakawala ngu kaul᷊i u rario manga ko ese wiahi. 18Inau ratu nukui si sire rua biang e'e l᷊au nukina, “Nakurawe i kumu nupakawala manga ana ko ese e'e wiahi?”
19I sire nusumimbahi, “Ko wawine ngu Ibrani tawe kere kowawine ngu Mesir. I sire kere'e kapiange mahinding. Su horo biang sumongo, anae seng mbuae nipahinding.” 20-21Inau Mawu Ruata nangal᷊amati manga biang e'e dang nangonggo hintou si sire, watu'u i sire nangadati Mawu Ruata. Dang taumata ngu Israel natamba maul᷊i l᷊au matoghasi. 22Bou e'e ratu nangonggo parenta e'e su kaul᷊i u kawanuange, “Apang ana ko ese tau Ibrani ko wuhue nipahinding mambeng irume sarang l᷊al᷊ung u sal᷊uhi Nil, kateho kaul᷊i u ana kowawine walate i sire wiahi.” #Wuk. 7:19
Currently Selected:
SASUWANG 1: PLT
Highlight
Copy
Compare
Share
Want to have your highlights saved across all your devices? Sign up or sign in
