Popular Bible Verses from SASUWANG 2

Share

Mawu Ruata nakaringihi i sire, dang I Sie nakatinaung diandi-Nge dingang i Abraham, i Ishak l᷊au i Yakub. I Sie nakawua manga taumata ngu Israel niputahul᷊ang, inau I Sie namutusi tadeau mutul᷊ung i sire.

Manga pira taung bou e'e, ratu ngu Mesir napul᷊e asal᷊ie. Kateho bangsa Israel mborong mukahioro watu'u i sire niputahul᷊ang, hakiu i sire nukahioro mundo tul᷊ung. Kahioro si sire nurating u Mawu Ruata.

Tempo ngu rario e'e seng kal᷊al᷊aboe, i mamange nanarakang i sie su sangiang e'e. Bou e'e sangiang u ratu nukoa rario e'e kere ana ko niaku. “I sie daku onggol᷊ang u arenge i Musa, watu i sie daku nial᷊a bou ake,” angkung i sangiang ratu.

Angkung i sangiang ratu si mama ngu rario e'e, “Wawako rario i'i, dang onggol᷊eko susu i sie guna ngu ia; i mama hindo daku waehang.” Inau niwawae rario e'e dang nipasusue.

Tintal᷊a e'e nasongote sangiang u ratu. I sie nul᷊umintu nundeno su sal᷊uhi, arawe manga mutatangkiange kal᷊al᷊enge su wiwihi u sal᷊uhi. Singkahuwi u sangiang ratu e'e nakawua karanjang e'e su tal᷊oara u ghopol᷊i u gelagah, bou e'e i sie nuparenta singkatau l᷊ang kowawine pangal᷊a.

Su tempo ngi Musa seng natilang, i sie natamai musombang u manga taumata singkawanuae. I sie mutuhung kirapa i sire nisihasa puhal᷊i hal᷊i ko mababuha. Nikawuae l᷊ai singkatau tau Mesir namate singkatau tau Ibrani. I Musa nutuhung tamai-mai dang saritau i sie nakawua takoae ko katuhunge si sie, nipate'e tau Mesir e'e bou e'e badange nil᷊ubinge su nei.