1 PETER 4
4
Khristian Nundan
1Khrih tu a taksa in harsahnak a tuar manin ning khai amah ai thinlung naihnak bang nai in thin kho tu ih. Zaimantifangin taksa harsahnak a tuartu heh sualhnak songah tel tuh nawn lo i. 2Ciamanin tunai panin laivum nunhnak can ning nai song hmuahhmuah minung daihhnak ilo in Pathian daihhnak in ning uk tuseh. 3Pathian sang lo laivum mite ai bawn hiamhnak thil heh can cateng bawn tlang zo i si. Ning nunhnak tu mitsih mawi lo nunhnak, taksa riamhnak, zurihnak, nupa sualhnak, ai le ding in puai bawn nunnuamhnak, le ningdulkul milim biahnak ah hmang tlang zo i si. 4Tun tu Pathian sang lo laivum mite in zaikhai suphnak nai loin nunghnak ah ning tel nawn lo fangin ning vumah amahte khuaruahhar in ning salh tlang dekdo i. 5Ikhalselai anite tu minung le mithi thukhantu tuh Pathian hmaiah amahte nundan phuang leh tuh i. 6Ciamanin nakhaw mithi hnenah Thuthangpha phuanghnak heh! Anite tu midang bang thotho in amahte nung laiah thukhanhnak tawk tlang zo i. Cen anite hnenah Thuthangpha a phuanghnak heh rauhla in amahte nunhnak ah Pathian a nung bangin nung tuh vehnak ah i.
Pathian Ca Napertu Pha
7Zaizongza hrangah a tawphnak tikcucan nong zo i. Ciamanin phatak niu in sawngen thil tuhin suphnak nai in thinlung fimvar in um tu ih. 8Zaizongza tahin pakhat le pakhat ning thinlung taktak in it dun tu ih, zaimantifangin ithnak in sualhnak tampui khuk thai i.#Thuf 10:12 9Cam lo niu in ning inn ah pakhat le pakhat khual tlung ruai dun tu ih. 10Pathian lehsawng dangdang kiltu pha ning i bangin a hnenin ning ngahhnak lehsawng heh midang phathnak hrangah hmang tu ṭen ih. 11Jesuh Khrih thawmin zaizongza ah Pathian in thangphathnak ngah tuhin thureltu in Pathian thu heh Amah ai hmurka suak bang rori in rel tu ih; napertu in Pathian hnenin thazang ning ngahhnak thawn per tu ih; songlawihnak le hathnak hmuahhmuah heh kumzangza in amah ai i. Amen.
Khristian Tuar Benhnak
12I ithnak i rualte, a har ngai cuhnak ning tuar manin mangbang in um mah ih; aisu inkhai tawk lohnak harsa kin vumah hleng ce i tiin ruat mah ih. 13Khrih tuarhnak a kawmduntu ning imanin lungawi tu sawn ih. Ciatihin ti le i sikhaw a songlawihnak a lar fangin ning tu anghnak in ning dim tuh i. 14Khrih hluntu ning imanin mi in zoh ning suam lekhaw lungawi tu ih; zaimantifangin Pathian Rauhla, Rauhla songlawi ning vumah um i tihnak i. 15Ningmah lakah pakhatkhat harsahnak tuar lekhaw mirek, ruko, dan baltu imanin le midang thula a holtoktu imanin tuar ngawn i maseh. 16Khristian ning imanin tuar le i sikhaw zakthi mah ih; Khrih hming a kengtu ning imanin Pathian hnenah lungawi tu sawn ih.
17Thukhan panhnak can hleng zo ai Pathian ai innsang songtelte in thukhanhnak tawk hmasa tuh i. Ciatihin kin vumah pan hmasa lekhaw Pathian Thuthangpha a sanglotute tu zaibangin tawp leh tuh ini? 18Lai Thianghlim songah a umhnak bangin:
“Mipha caah rin nunohnak
ngah heh a baiziap lo i;
Ciatih ilekhaw Pathian bia lo
misualte tu ziang cang
leh tuh ini?” #Thuf 11:31
19Ciamanin Pathian tumtekhnak bangin harsahnak a tuartute in thilpha bawnhnak manin Pathian hnenah zaizongza ap dun tusek seh; Pathian tu anite semtu i ai a thukham pelh awng lo i.
Currently Selected:
1 PETER 4: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
