1 PETER 5
5
Pathian Ai Tuurual
1Pawlpui upate, kaimah khai pawlpui upa ve ing ai, ninghio ning ngen ing. Khrih ai tuarhnak a hmutu ing ai a lar tuh songlawihnak khai a kawmtu tuh imanin ning ngen ing. 2Pathian ai ning pehnak tuurual khaltu cang tu ih; ai-im kongin a khaltu ilo in Pathian ai daihhnak bangin thintha tho ngai in a khaltu cang tu ih. Naper fangin hlawhman ngah hiam manin ilo in daihhnak taktak thawn per tu sawn ih. 3Ningmah in kilkhawl tuhai dahhnak tuurual heh a uk in uk tum mah ih. Santeh tuhin nung tu sawn ih. 4Cen Tuukhal Bawi Ber Khrih a lar fangin a tleuhnak a dal thil awng lo bawi lukhuk songlawi ngah tuh i si.
5Ciabang thotho in mino deuh pawl in kum upa deuh pawl ai thu heh ngai tuh i si. Ning veksen in thinniamhnak thawn thuam tu ilai pakhat le pakhat bawm dun tu ih. Zaimantifangin Lai Thianghlim in, “Mihngalte tu Pathian in engsan ai thinniam mite tu mithmai pha pe i,” #Thuf 3:34; Mat 23:12; Luk 14:11tiin ti i. 6Ciamanin a hatmi Pathian ai kuthnia ah thinniam niu in um tu ilai amah in a can khim i ti fangin ning khaisang leh tuh i.#Mat 23:12; Luk 14:11; 18:14 7Ning donharhnak hmuahhmuah heh Amah hnenah hma tu ih, zaimantifangin Ani tu zawn ning ruattu i.
8Fimvar niu in um tu ih! Ralring in um tu ih! Ning ral Satan heh dawp pha si in a huktu hnelhno chintit bangin vak hnelhno i. 9Ning sanghnak ah kho ngai in um tu ilai Satan heh tawng tu ih, zaimantifangin laipua vum khuahacang ah a umtu Khristian unaute khai he bangtluk in harsahnak tuar tlang ve hnelhno i ti ling i si. 10Cen can comniu song ning tuar hnuaah ninghiohnak in a dimmi Khrih thawn ning pawlkomhnak manin amah thawn songlawihnak kawm dun tuhin ning kotu Pathian amah rori in ning semkhimruai tuhai khohnak le thazang hathnak ning pe tuh i. 11A hnenah thunaihnak kumzangza in kho tu hram seh. Amen!
Hnuataber Hnuksathnak
12Hemi laikuat comniu heh rinsantlak Khristian unau tiin i ruathnak Silas ai bawmhnak thawn ning hnenah ngan ing. I forh hiamhnak tu: he laikuat songai i nganhnak heh Pathian ninghiohnak taktak i tiin a lingfiangtu ing ai ciami ninghiohnak songah kho ngai in ding tu ih, tihnak i.#Nal 15:22, 40
13Pathian ai a rilhnak Babylon#5:13 Babylon tihnak tu Thuphuan laibu songai a um bangin Rome khua a ti hiamhnak i. ai a ummi ning unau pawlpui in hnuk ning sat ing. I fapa Mark inkhai hnuk ning sat ve i.#Nal 12:12, 25; 13:13; 15:37-39; Col 4:10; Phim 24 14Pakhat le pakhat hnuksatdun in Khristian ithnak thawn thut dun tu ih. Khrih ai minung ning veksen hnenah daphnak um tu hram seh.
Currently Selected:
1 PETER 5: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
