1 PETER 3
3
Nupui Le Pasal Thu
1Ciabang thotho in nupuite, ning pasalte thu ngai tu ih; ciatihin bawn le i sikhaw Pathian thu a sang lotu ning pasal pakhatkhat um lekhaw ning ziaza phathnak in sangtu ah cangruai tuh i. Kam khat khai pong kul tuh lo i si, #Eph 5:22; Col 3:18 2zaimantifangin, thianghlim le upathnak nai ai ning nung khiah hmu tuh i. 3Pualam mawihnak: ning sam bawndan, ning hlawnthil sui le ngun thawn ning thuam dan le ning hnikpon sildan in mawihnak si mah ih.#1Tim 2:9 4Pathian ai mithmuh ah a songlawi ber mawihnak taktak heh ning thinlung songai a ummi a tar thil lo thinnemhnak le thindaphnak sawn i. 5Pathian a kihzahtu khuahlan nupang, Pathian ah umlamhnak a naitute ai mawihnak tu amahte pasal thu ngaihnak ah um i. 6Sarah heh ciabang awng i. Abraham upat ai, “I bawipa,” #3:6 Sem 18:12 songah I pasal tiin let i. tiin ko i. Ningte khai thil pha bawn ai lauhnak zaikhai nai loin um le i sikhaw Sarah ai fanute i si.#Sem 18:12
7Ciabang thotho in pasalte, ning nupui thawn ning um kawm fangin a tha nau deuhmi i tiin lingthiam tu ilai upat tu ih, zaimantifangin ningmah thawn hmunkhat ah Pathian ai pehnak nunhnak lehsawng ro co tuh ve i. Ning sawngenhnak tu zai inkhai hnaihnok thil tuh loin ciatih bangin bawn tu ih.#Eph 5:25; Col 3:19
Dikcanghnak Manin Tuarhnak
8A tawphnak ah i forh hiamhnak tu: ruathnak khat le thinlung khat in um tu ih; unau bangin pakhat le pakhat it dun tu ilai ninghiohnak nai in thinlung nem in um tu ih. 9Phat lohnak heh phatlohnak in rulthun mah ih, cukcamhnak khai cukcamhnak in rul mah ih; hmuifu pe in rul tu sawn ih. Zaimantifangin Pathian in ning ko fangin hmuifu petu tuhin ning ko i. 10Lai Thianghlim songah,
“Nunnuam hiam ai can pha
a daihtu in pong sia ai
pong sup tu selai thudonrel
nawn maseh.
11“A pha lo heh zam tu selai
a pha bawn tuseh.
A thinlung veksen in
daphnak hrangah per tuseh.
12Zaimantifangin Bawipa in
midikcangte heh kilkhawl ai
amahte sawngenhnak ngai sah i.
Ikhalselai phatlohnak
a bawntu heh engsan i,” #Saam 34:12-15
tiin ti i.
13Phathnak bawn hiamtu ile i sikhaw aisu in harsahnak ning pe tuh i? 14A phami bawn manin harsahnak tawk khal silai zaitlukin mihmuifu isi! Zaikhai lau mah; na don khai har mah.#Mat 5:10; Isa 8:12-13 15Ning thinlung in Khrih upat tu ih. Ning thinlung songai ning pomhnak ning umlamhnak heh ning zawttu pakhatkhat um lekhaw amahte thu zawthnak sawn thil tuhin ralring cialep in um tu ih. 16Amahte thu zawthnak ning sawn fangin thinnem le upathnak thawn sawn tu ih; ciatihin bawn le i sikhaw Khrih hluntu ning i bangin ning ziaza pha heh mi in ning sawi inrin ziaza pha i ti mi in hmu tuhai amahte lehlam zakthi tuh i. 17Phat lohnak bawn manin harsahnak tuar tahin Pathian lungkhimhnak um lekhaw phathnak bawn manin harsahnak tuar pha sawn i. 18Zaimantifangin Khrih tu minung sualhnak manin kumzangza hrangah thi i; ningmah Pathian hnenah fehpui tuhin mipha pa heh misualte caah thi i. A taksa in thihhnak tuar i, ikhalselai rauhla in nungruai leh i. 19Ciatihin rauhla in nung leh manin rauhla thawngto mite hnenah feh ai thu rel i. 20Hetih ai thu a relhnak rauhlate tu Noah in lawng a bawn awng laiah Pathian in thinsau in iang napui a thu ngai nuam tlang lo i. Lawng songai a luttu mi tlawmniu, a veksen in mi pariat ian i; anite tu ti songin osuak mite i.#Sem 6:1—7:24 21Ciami tu tunai ning otu baptisma heh a sawhhmuhtu i. Hemi tu ning takrim somcianghnak tuh ilo i, a hnawm a pha thiahnak thinlung thiang thawn Pathian hnenah thukhamhnak bawn sawn i si. Ciami baptisma heh Jesuh Khrih a tholehhnak thawmin nunohnak a hlenpuitu i. 22Amah tu vancung ah kai ai Pathian kiahhan lamah um ai vancungmi hmuahhmuah le van ai thunaihnak le huham hmuahhmuah vumah thunaitu i.
Currently Selected:
1 PETER 3: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
