Popular Bible Verses from 1 PETER 4

Share

Zaizongza tahin pakhat le pakhat ning thinlung taktak in it dun tu ih, zaimantifangin ithnak in sualhnak tampui khuk thai i.

Pathian lehsawng dangdang kiltu pha ning i bangin a hnenin ning ngahhnak lehsawng heh midang phathnak hrangah hmang tu ṭen ih.

Jesuh Khrih thawmin zaizongza ah Pathian in thangphathnak ngah tuhin thureltu in Pathian thu heh Amah ai hmurka suak bang rori in rel tu ih; napertu in Pathian hnenin thazang ning ngahhnak thawn per tu ih; songlawihnak le hathnak hmuahhmuah heh kumzangza in amah ai i. Amen.

Khristian ning imanin tuar le i sikhaw zakthi mah ih; Khrih hming a kengtu ning imanin Pathian hnenah lungawi tu sawn ih.

Zaizongza hrangah a tawphnak tikcucan nong zo i. Ciamanin phatak niu in sawngen thil tuhin suphnak nai in thinlung fimvar in um tu ih.

I ithnak i rualte, a har ngai cuhnak ning tuar manin mangbang in um mah ih; aisu inkhai tawk lohnak harsa kin vumah hleng ce i tiin ruat mah ih. Khrih tuarhnak a kawmduntu ning imanin lungawi tu sawn ih. Ciatihin ti le i sikhaw a songlawihnak a lar fangin ning tu anghnak in ning dim tuh i.

Cam lo niu in ning inn ah pakhat le pakhat khual tlung ruai dun tu ih.

Ciamanin Pathian tumtekhnak bangin harsahnak a tuartute in thilpha bawnhnak manin Pathian hnenah zaizongza ap dun tusek seh; Pathian tu anite semtu i ai a thukham pelh awng lo i.

Khrih tu a taksa in harsahnak a tuar manin ning khai amah ai thinlung naihnak bang nai in thin kho tu ih. Zaimantifangin taksa harsahnak a tuartu heh sualhnak songah tel tuh nawn lo i. Ciamanin tunai panin laivum nunhnak can ning nai song hmuahhmuah minung daihhnak ilo in Pathian daihhnak in ning uk tuseh.

Khrih hluntu ning imanin mi in zoh ning suam lekhaw lungawi tu ih; zaimantifangin Pathian Rauhla, Rauhla songlawi ning vumah um i tihnak i.