Jabuura 139
139
Jabuura 139
1Jabuura mo Daawda winndi hokki ardiiɗo yimooɓe.
Joomiraaɗo, a hiinyii faa ley ɓernde am,
aɗa anndi kam.
2Aɗa anndi nde njooɗotoomi e nde ummotoomi fuu.
Aɗa hiinya miilooji am gilla to woɗɗi.
3Aɗa taykoo wakkati njahammi e wakkati pukkiimi.
Aɗa anndi laabi am fuu.
4Yaa Joomiraaɗo, aɗa anndi ko kaalammi fuu
gilla mi muɓɓitaay hunnduko am.
5Aɗa fiilorii kam gaɗa e yeeso fuu,
aɗa deki junngo maaɗa dow am.
6Anndal maa ngaal na ɓuri kam semmbe.
Ingal toowi faa faltii faamu am!
7Toy njahammi faa mi woɗɗoo e Ruuhu maaɗa?
Toy ndoggirammi faa mi heɓa suuɗaade ma?
8Si mi ƴeeŋii faa dow kammu, inani ma.
Si mi jippake faa laahara, inani ma toon du!
9Si mi fiiri gilla fajiri,
mi jooɗowake faa fonngo maayooji,
10fay toon du, junngo maaɗa ɗowan kam,
baawɗe maaɗa tiigoto kam.
11Si mi wi'ii: «Sikke walaa, nimre suuɗan kam,
ndeen du, nimre jemma ndeen laatoo annoora sudda kam».
12Fay nimre ndeen niɓɓaa yeeso maaɗa.
Jemma du na yayni hono nyalooma yeeso maaɗa.
Sabo nimre e annoora fuu potu e maaɗa!
13Wo aan tagi ko suuɗii faa ley ɓernde am.
Wo aan sanyi kam ley reedu inna am.
14Miɗo yette sabo a tagirii kam no haaynorii,
golleeji maaɗa wo kulɓiniiɗi,
yonki am na anndi ɗum sanne.
15Nde tagunoɗaa kam ley reedu inna am e ley suuraare ndeen,
nde canyanoomi faa ley luggeefi leydi ndeen,
ƴi'e am cuuɗanaakino ma.
16Gite maa nji'ii kam gilla mi rimaaka.
A artake a winndii haddi balɗe am fuu ley dewtere maaɗa,
gilla mi wuuraay fay nyalaande wootere.
17Miilooji maa na teddani kam, yaa Laamɗo.
Limoore majji na keewi sanne!
18Si mi wi'ii mi liman ɗi fu,
iɗi ɓuri njaareendi ɗuuɗde.
Nde pinumi fu, miɗo wondi e maaɗa faa hannden.
19Laamɗo, si a halkanno bonɓe!
Hey onon war-hooreeɓe, mboɗɗee kam!
20Iɓe nawtoroo innde maaɗa e anniyaaji bonɗi.
Iɓe innde de saabe hiila tan.
21Yaa Joomiraaɗo, miɗo wanyi wayɓe ma,
haɓdooɓe e maaɗa ɓeen na nyiddinii kam!
22Miɗo wanyi ɓe, nganyaandi cattundi.
Iɓe laatanii kam wayɓe!
23Hiinyam, yaa Laamɗo faa annditaa ko woni e ɓernde am.
Ndaartindoɗaa kam faa paamaa kaɓɓu ko'uuji am.
24Ndaaru yalla miɗo woni dow laawol bonngol,
de ɗowaa kam dow laawol duumiingol.
Currently Selected:
Jabuura 139: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
