Popular Bible Verses from Jabuura 139

Share

Miɗo yette sabo a tagirii kam no haaynorii, golleeji maaɗa wo kulɓiniiɗi, yonki am na anndi ɗum sanne.

Hiinyam, yaa Laamɗo faa annditaa ko woni e ɓernde am. Ndaartindoɗaa kam faa paamaa kaɓɓu ko'uuji am. Ndaaru yalla miɗo woni dow laawol bonngol, de ɗowaa kam dow laawol duumiingol.

Wo aan tagi ko suuɗii faa ley ɓernde am. Wo aan sanyi kam ley reedu inna am.

Gite maa nji'ii kam gilla mi rimaaka. A artake a winndii haddi balɗe am fuu ley dewtere maaɗa, gilla mi wuuraay fay nyalaande wootere.

Joomiraaɗo, a hiinyii faa ley ɓernde am, aɗa anndi kam.

Toy njahammi faa mi woɗɗoo e Ruuhu maaɗa? Toy ndoggirammi faa mi heɓa suuɗaade ma?

Aɗa anndi nde njooɗotoomi e nde ummotoomi fuu. Aɗa hiinya miilooji am gilla to woɗɗi.

Yaa Joomiraaɗo, aɗa anndi ko kaalammi fuu gilla mi muɓɓitaay hunnduko am.

Aɗa taykoo wakkati njahammi e wakkati pukkiimi. Aɗa anndi laabi am fuu.