Jabuura 138
138
Jabuura 138
1Jabuura mo Daawda winndi.
Yaa Joomiraaɗo, miɗo yettire e ɓernde am fuu.
Mi yimante yeeso allaaji.
2Mi hofoto, mi huccita e suudu maaɗa seniindu.
Mi yetta innde maaɗa saabe hinney maa e hoolnaare maaɗa,
sabo a hiɓɓinii aadi maaɗa,
faa ɓuri ko min keɗinoo.
3Nde noddunomaami ndeen, a jaabanake kam.
A semmbinɗinii ɓernde am faa keɓumi cuusal.
4Yaa Joomiraaɗo, kaanankooɓe adunaaru fuu manete,
nde nanowi haalaaji ɗi kaaluɗaa.
5Ɓe njimanan golleeji maaɗa,
sabo teddeengal maaɗa wo manngal.
6Fay ko Joomiraaɗo laatii toowɗo ɗuum,
na ndaarana leeƴinkiniiɓe,
na anndita mawninkiniiɓe gilla to woɗɗi.
7Fay nde njahammi ley torra, aɗa reena yonki kam.
Aɗa ɓanti junngo maa dow tikkere wayɓe kam,
baawɗe maa na ndanna kam.
8Joomiraaɗo yottinan ko aadaninoo kam fuu,
hinney maa wo keddotooɗo.
Taa yoppu ɓe tagirɗaa e juuɗe maaɗa ɓeen.
Currently Selected:
Jabuura 138: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
