Jabuura 140
140
Jabuura 140
1Jabuura mo Daawda winndi hokki ardiiɗo yimooɓe.
2Yaa Joomiraaɗo, dannam e juuɗe bonɓe.
Reenam e waɗooɓe war-hoore,
3miilotooɓe waɗude ko boni,
umminooɓe fitinaaji wakkati fuu.
4Iɓe ngaɗi ɗemle maɓɓe hono mboddi,
kunnduɗe maɓɓe na caawi tooke foosikere. (*Selah)
5Yaa Joomiraaɗo, dannam e juuɗe bonɗo.
Hisinam e gorko war-hooreejo,
e miilotooɓe no liɓirta kam.
6Mawnitiiɓe pukkinii tuugol yeeso am.
Ɓe kaɓɓii bedorɗi dow laawol am.
Ɓe pukkinanii kam bedorɗe feere feere. (Selah)
7Mbiimi Joomiraaɗo: Aan woni Laamɗo am!
Yaa Joomiraaɗo, hettina bullaali am.
8Laamɗo Joomiraaɗo, kisinoowo kam cemmbiɗinɗo,
a reenii kam nyannde wolde.
9Yaa Joomiraaɗo, taa accu muuyɗe bonɗo laatoo,
taa hokku o daliili ley ko o gollata,
taa o heɓa o ummitoo. (Selah)
10Waɗu bone burtiiɗo e kunnduɗe fiiliiɓe kam ɓeen
saama dow ko'e muɓɓen.
11Waɗu ƴulɓe kuɓɓooje caama dow maɓɓe,
ɓe paɗɗee e yiite,
nder gayɗe lugguɗe to ɓe mbaawaa wurtaade.
12Haalooɓe mbonka ɓeen tabitataa ley leydi ndii.
Gorko war-hooreejo du, bone rewan ɗum wakkati fuu.
13Miɗo anndi ko Joomiraaɗo saranto torraaɓe.
O hiitanto talkaaɓe.
14Goonga, fonnditiiɓe teddinan innde maaɗa.
Dartiiɓe keɓan jooɗaade yeeso maaɗa.
Currently Selected:
Jabuura 140: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
